Pedagogët protestojnë te Universiteti i Arteve, studentët nuk i bashkohen: Të hënën do bojkotojmë mësimin, fundjava është shansi i qeverisë të na plotësojë kërkesat

Sindikata e punonjësve të universiteteve deklaroi sot vendimin final, bojkot në datën 17. Pedagogët u shprehën se fundjava do jetë shansi i qeverisë për të plotësuar kërkesat e pedagpgëve.

Punimet shkencore në vendin tonë shkojnë deri në 10 mijë euro. Kështu u shpreh kryetari i Sindiktatës së Pedagogëve, Sandër Kovaçi i cili gjithashtu shtoi se që të bësh një punim shkencor është heroike. Kovaçi tha se në krahasim me Kosovën ne jo vetëm që nuk rimbursohemi me 8 mijë euro edhe na duhet të paguajmë.

Unë them me plot gojë se ata që ishin këtu e ata që s’jnë do i konsideroja yjet e protestës për një arsim të qëndrueshëm. (…)

Nuk ka qenë vlerësimi ka qenë movlerësimi që na ka sjellë këtu. Profesorati është goditur githnjë. Kam një vit me paterica, me dy dhe kam dhënë mësim si gjtihë të tjerët.

Idetë futuriste se mund të ketë këtu pa investim vetëm këtu kam parë. E di që shpesh paragjykohen për plagjaturë, po unë i quaj heronj. Se të dalësh me shifër 10 milion lekë për punim shkencor do të duhet të punosh sa këtej sa andej kurse në Kosovë paguhen 8 mijë euro, s’të del bursa për punim shkencor pa 8 mijë euro aty anash.

Në llogaritje ne jem dëmtuar rëndë financiarisht. Kjo lëvizje është e profesoratit në përpjekje për të ndryshuar diçka. Ka dhe nga ata që duan të na lënë këtë kënetë, unë i quaj grevëthyes.

Shkoni nëpër tualetet e universiteteve, ju lutem shkoni se nuk ka ujë, s’ka letra. Ne paguhemi 2 rroga në kurriz të studentëve, a janë gati ata të paguajnë edhe 3 të tjera në kurriz të tyre?

Natyrisht edhe ne prandaj e kemi bërë pikën 9, ore ku i kemi këto. Se e kemi parë universitetin e Filolohjikut me një sallë Leksioni. Ku i kemi këto bibliotekat?- tha Kovvaçi.

Kreu i Sindikatës së Pedagogëve, Kovaçi në protestën para Universitetit të Arteve, tha se kërkesat e tyre kryeministri i quajti ultimatume, duke shtuar se pagat e pedagogëve nuk janë në përputhje me tregun e punës. Ai tha se nëse nuk e bëjme dot Shqipërinë si Evropa të paktën ta bëjmë si Kosova.

“Ka pasur keqkuptime mbi përmbajtjen e peticionit, ka pasur sugjerime që propozimi të përfundojë me një manifest. Ne e kemi thënë që nuk bëhet fjalë për rrogën e një pedagogu që të mbajë familjen e tij, por që të jetë dinjitoz. Kemi kërkuar rritje 30% këtë vit dhe 20 % vitin e ardhshëm. Duke u nisur nga kriza ekonomike ne e kemi zbritur kërkesën duke qenë solidarë me këtë situatë. Kërkesat tona kryeministri i quajti ultimatum, por i themi kryeministrit ta shikojë universitetin me një sy tjetër. Sot gjendja e profesoratit është në një tjetër gjendje dhe nuk është marrë parasysh asnjë kërkesë dhe nuk ka pasur rritje. Nëse e krahasojmë me Kosovën ka ardhur koha të mos themi që ta bëjmë Shqipërinë si gjithë Europa, por ta bëjmë si Kosova”, tha ai.