POP 5

Lajmet më të lexuara të 5 minutave të fundit

"Pedagogu i arrestuar, drejtues i lartë i PD-së", Balla: Duhet ta përjashtojë nga radhët e saj

Kreu i grupit parlamentar të PS, Taulant Balla dhe pedagogu i arrestuar, Dritan Shoraj

Kryetari i Grupit Parlamentar të Partisë Socialiste, Taulant Balla ka deklaruar përgjatë një konference për mediat se pedagogu i Ekonomikut, Dritan Shoraj, i cili u arrestua së fundmi, është drejtues i lartë i Partisë Demokratike në Tiranë.

Balla e ka cilësuar rastin në fjalë si të turpshëm dhe se përmbi kreun e Partisë Demokratike tanimë njolla e turpit është e dyfishtë.

Sa herë që në krahun kundërshtar të partisë së tij ka raste të tilla, bën zhurmë të madhe. Ndërkohë që, ende nga Partia Demokratike nuk ka një njoftim që ky person, i cili është drejtues i lartë i PD-së në Tiranë, është drejtuesi i PD-së për Njësinë numër 5, njësia më e madhe administrative brenda Tiranës. Ky person është gjithashtu edhe pjesë e departamentit të ekonomisë në PD. Partia Demokratike duhet ta përjashtojë nga radhët e saj.

Taulant Balla, Kreu i Grupit Parlamentar të Partisë Socialiste

I pyetur për rrugët që posedon informacionet përkundrejt pedagogut të ashtuquajtur së fundmi nga mediat si “pedagogu trafikant”, Balla është përgjigjur:

”Jam paksa i habitur që mediat po bëjnë pyetje për këtë çështje, sepse në rast se zotëria në fjalë do të ishte një fotografi me kryeministrin, me mua apo me një përfaqësues tjetër të PS-së, ju do të kishit bërë hatanë, do të kishit zënë dyert e Kuvendit apo PS-së. Ndërkohë që kemi një rast i përsëritur, kur një funksionar i lartë i PD-së arrestohet për hir të drejtësisë italiane për shkak të një dënimi disa vjeçar nga drejtësia italiane për trafik narkotikësh.”

Balla ka thënë më tutje se dekriminalizimi nuk mund të ndalet vetëm tek pjesa e Kuvendit apo të zgjedhurve vendorë, pasi është edhe një dimension i rëndësishëm edhe brenda organizimit të partive politike.

a.s.
Komento