Për vitin 2015 Fondit i janë alokuar 125 milionë dollarë, nga të cilat 1.5 milionë do t’u mundësojnë bashkive kontraktimin e kompanive projektuese.
Gjatë vitit 2014 Fondi i Zhvillimit Rajonal financoi projekte infrastrukturore dhe rigjenerimi urban në pjesën më të madhe të bashkive dhe zonave me potencial turistik e ekonomik. Kjo përmes “Rilindjes së qyteteve të bashkëjetesës komunitare”, një program zhvillimi që synon transformimin e qendrave urbane, duke iu përgjigjur realitetit të ndarjes së re territoriale dhe vizionit të qeverisë për zhvillimin e tyre të qëndrueshëm dhe afatgjatë./ATSH/
Redaksia Online
(shqiptarja.com)