POP 5

Lajmet më të lexuara të 5 minutave të fundit

Politikë

Peleshi nis llogaridhënien nga Korça: Paratë i kemi, na duhet rruga si të shkojmë te fermeri

Turin e takimeve të llogaridhënies publike, ministri i Bujqësisë dhe Zhvillimit Rural, Niko Peleshi, e ka vazhduar në qarkun e Korçës, në zonën e Drenovës me banorët e kësaj zone.
Peleshi nis llogaridhënien nga Korça: Paratë i kemi, na duhet rruga si të shkojmë te fermeri

Ministri Niko Peleshi

Turin e takimeve të llogaridhënies publike, ministri i Bujqësisë dhe Zhvillimit Rural, Niko Peleshi, e ka vazhduar në qarkun e Korçës, në zonën e Drenovës me banorët e kësaj zone.

Gjatë një bashkëbisedimi të hapur, Peleshi informoi mbi punën e bërë gjatë këtyre muajve, duke u ndalur veçanërisht në projektet, sfidat dhe sektorët më të rëndësishëm ku është përqendruar vëmendja e këtij dikasteri. Për ministrin Peleshi llogaridhënia është një proces që duhet të bëhet sy më sy në mënyrë që dhe impakti të jetë me i madh dhe më frytdhënës.

“Jam duke i zhvilluar këto takime të ngjashme në të gjithë Shqipërinë. Do të ketë rreth 400 takime si ky në gjithë Shqipërinë dhe unë personalisht do të takojë banorët e çdo njësie administrative.

“Kemi gjykuar që është më mirë që ky diskutim, kjo llogaridhënie të bëhet sy ndër sy. I japim mundësi gjithkujt që do të komunikojë drejtpërsëdrejti apo të ngrejë dhe zërin, pra nuk jemi për duartrokitje, jemi më shumë për probleme, duke i pasur ballë për ballë edhe ministrin edhe kryetarin e Bashkisë, edhe kryetarin e Qarkut, Administratorin dhe të gjithë drejtuesit rajonalë dhe lokalë.”

Gjatë takimit Ministri është fokusuar veçanërisht te programi IPARD, çelja e Thirrjes së Parë, pritet të ndodhë gjatë ditëve në vazhdim dhe programi 100 fshatrat. Sfida e programit ambicioz  100 fshatrat shtrohet në atë që gjatë këtij 4 vjeçari të ndërhyhet në këto 100 fshatra të përzgjedhura dhe ndryshimi në infraktukturë, shërbime etj. të jetë i dukshëm. Ministri i ka ftuar të gjithë fermerët, agropërpunuesit, sipërmarrësit në bujqësi të aplikojnë sa më shumë në programin IPARD si një mundësi reale për realizimin e projekteve potenciale zhvillimi si për individin dhe kompanitë e ndryshme, por dhe për ekonominë e vendit.

 “Pra, duke filluar nga ky vit, ne kemi një hapësirë më shumë se 100 milionë euro për të financuar investime në bujqësi, agropërpunim, agroturizmi, përpunim bimësh medicinale dhe gjithë gamën e këtij sektori.

“Kini me shumë besim të aplikoni më tepër, sepse mundësitë janë dhe tani është “kthyer pllaka”. Tani nuk ankohemi më, për burime financiare, tani përpiqemi si t’i përthithim këto burime financiare. Paratë i kemi, por duhet të gjendet rruga, si të shkojme tek fermeri, tek investitorët, tek agropërpunimi etj”.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01