POP 5

Lajmet më të lexuara të 5 minutave të fundit

Bota

Pence: Aktakuza e mundshme ndaj ish-presidentit Trump "i ngjason një hetimi politik"

Ish-nënpresidenti Mike Pence tha për rrjetin ABC News të dielën se veprimet e mundshme ligjore nga zyra e Prokurorit të Qarkut të Manhattanit duken "si të ndikuara politikisht". 

Pence: Aktakuza e mundshme ndaj ish-presidentit Trump

Mike Pence

Ish-nënpresidenti Mike Pence tha për rrjetin ABC News të dielën se veprimet e mundshme ligjore nga zyra e Prokurorit të Qarkut të Manhattanit duken "si të ndikuara politikisht". Duke folur në ABC 'This Week', Pence tha se aktakuza e mundshme ndaj ish-presidentit Trump "duket si një hetim i ndikuar politikisht.

I pyetur në lidhje me thirrjet e zotit Trump për protesta në rast se ai vihet nën akuzë, zoti Pence tha se ai mendon se protestuesit do ta kuptojnë "se duhet ta bëjnë këtë në mënyrë paqësore dhe të ligjshme".

Ish-Presidenti Donald Trump shkruajti dje në një postim në rrjetet sociale se ai pret të arrestohet të martën ndërsa u bëri thirrje mbështetësve të protestojnë. Ai nuk përmendi në postim akuzat e mundshme që mund të ngriheshin ndaj tij. Një zëdhënës i ish presidentit Trump tha të shtunën se “nuk ka patur asnjë njoftim” për një arrestim të mundshëm dhe zoti Trump nuk ofroi prova mbi rrjedhjen e informacionit nga zyra e Prokurorit të Qarkut të Manhattanit.

Deri më tani, ndaj asnjë presidenti të Shteteve të Bashkuara, në detyrë apo pas përfundimit të mandatit, nuk janë ngritur akuza penale. Zoti Trump tha se ai do të vazhdonte fushatën për zgjedhjet presidenciale edhe në rast se ndaj tij do të ngriheshin akuza./VOA

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01