Mike Pence, ka nisur turin në rajonin e Azi-Paqësorit, për të garantuar aleatët përballë armatosjes koreanoveriore që gjatë ditë së shtunë dështoi në testimin e një rakete.
Pence do të takohet me zëvendëskryeministrin koreanojugor, për të biseduar kryesisht për çështje të mbrojtjes.
Dështimi i Koresë së Veriut vjen pasi avionmbajtësit amerikanë janë nisur drejt Gadishullit Korean, por zyrtarët ushtarakë kanë thënë se SHBA nuk ka për qëllim që të përdorë forcë ushtarake.
Presidenti Trump, i pyetur nga gazetarët gjatë javës për Korenë e Veriut tha: “Koreja e Veriut është problem. Problemi do të zgjidhet”.
“Nëse Kina, që është partneri tregtar kryesor i Koresë së Veriut, nuk ka vullnet të bëjë më shumë për këtë çështje, SHBA do ta marrë vetë përsipër zgjidhjen”, ka deklaruar Trump.
Redaksia Online
Er.K/Shqiptarja.com
![](https://www.shqiptarja.com/template/img/sh_logo1.png)