Penelope Cruz, e traumatizuar nga skenat seksi

Aktorja spanjolle Penelope Cruz pranon se skena e parë në film me imazhe seksi i ka shkaktuar një traumë të fortë. Në një intervistë për të përditshmen britanike “The Sun”, aktorja ka pranuar se për të nuk ka qenë aspak e lehtë. Skena e parë ka qenë në filmin “Jamon, Jamon”, ku asaj i duhej të pranonte të gjitha kushtet e vendosura nga regjisori Bigas Lunga. “Pas xhirimeve nuk mendoja më për asgjë që kishte lidhje me seksualitetin. I preva flokët shumë shkurt, pasi nuk mund të pranoja të puthesha me asnje ackor në film, pasi më kujtohej skena imë e parë”-ka theksuar Cruz. Aktorja 37-vjeçare pranon se ka qenë nëna e saj ajo që e ka ndihmuar të harrojë këto moment, duke i thënë se duhet të lërë pas me të shkuarën.