TIRANË- Mungesa e sinjalistikës paralajmëruese në hyrje të tuneleve në ish-sheshin ‘Shqiponja’, ka sjellë një kaos në trafik, por edhe duke u shndërruar në një burim aksidentesh. Shoferët që vijnë nga Durrësi e kanë pasur shumë të vështirë që të gjejnë tunelin që duhet të kalojnë për të shkuar në destinacionin e tyre.
Report Tv me gazetarin Arsen Rusta ka bërë një panoramim të situatës së krijuar në ish- Sheshin ‘Shqiponja’, ku hapja e tunelit numër 5, pak ditë më parë, nuk ka sjellë një lehtësim të trafikut, përkundrazi. Për të shkuar në qendër, qytetarët duhet të kthehen djathtas, e ndërsa për të ikur në ‘Astir’ duhet të kalojnë në tunel, ndërkohë që më parë ka qenë e kundërta. Për këtë ndryshim që është bërë, qytetarët nuk njoftohen me anë të tabelave të paktën 250 metra, siç parashikohet në Kodin Rrugor, por janë të vendosura pikërisht në hyrje të tunelit. Kjo ka bërë që qytetarët të kryejnë manovra të rrezikshme.
Për Report Tv, qytetarët janë shprehur se e kanë pasur shumë të vështirë që të gjejnë drejtimin nga duhet të shkojnë, pasi nuk janë informuar me anë të tabelave. Ka pasur edhe nga ata që kanë bërë edhe ironi duke thënë se “i duket sikur jeton në Angli”, ka të tjerë që “janë çmendur” nga ky kaos”.
“A jemi në Angli?”
“Na çmendën.”
“Është gabim tabela, duhet vënë një tabelë qendrore atje që të kuptohet.”
“Në qendër, shumë e vështirë, hera parë pas një viti, s’kishte tabela.”
"Kishte vetëm te pika këtu, janë shkronja shumë të vogla, për herë të parë u ngatërruam, shkuam në Laprakë, e pësuam dhe e mësuam.”
"Tani e kuptova, nuk kishte një tabelë.”
“E kam pasur shumë vështirë.”
“Vështirë fare, shumë sikletë.”, shprehen qytetarët për Report Tv.
Drejtues të policisë rrugore i thanë ReportTv se kanë kontaktuar firmën që kryen punimet për të shtuar sinjalistikën me tabela, semaforë sinjalizues të devijimit të trafikut si dhe barrierat ndarëse. Këto elementë të sinjalistikës sipas policisë rrugore do të shmangnin ndërrimin e korsisë në hyrje të tuneleve duke shkaktuar kaos, trafik dhe aksidente.
Mungesa e sinjalistikës, mos prezenca e një patrulle policie në këtë aks problematik, por edhe mungesa e informimit nga ana e qytetarëve kanë krijuar një situatë kaotike. Ajo që mbetet për t’u parë është nëse do të ketë një reagim nga ana e autoriteteve sa i përket apelit të Report Tv.
Si vijon lëvizja në ish-sheshin Shqiponja?
- Lëvizja e automjeteve nga autostrada (Durrës-Tiranë) në drejtim të rrugës “Dritan Hoxha” (Laprakë) dhe anasjelltas do të realizohet drejt në nivelin 0 të parashikuar në projekt.
- Lëvizja e automjeteve që vijnë nga autostrada (Durrës-Tiranë) në drejtim të Unazës së Madhe do të realizohet nëpërmjet Galerisë Nr. 5.
- Dalja nga Tirana për mjetet që vijnë nga Unaza e Madhe drejt autostradës do të realizohet nëpërmjet Galerisë Nr.3
- Dalja nga Tirana për mjetet që vijnë nga pjesa veriore (ish-kombinati, rruga “Josif Pashko”) drejt autostradës do të realizohet nëpërmjet Galerisë Nr. 4.
Komente
Lajme të tjera
-
Hapet Unaza e Madhe e Tiranës, 28.7 km e gjatë! Kalojnë automjetet e para! Shpejtësia e lejuar deri në 90 km/h (VIDEO)
30 Dhjetor, 18:30 -
Tiranë/ Grushte dhe shpulla kokës të miturit që lëvizte me armë në Fushë-Mëzez, pezullohen 3 policë të patrullës së komisariatit nr. 6
30 Dhjetor, 16:46 -
Aktivitete kulturore/ Baleti “Arrëthyesi” në skenën e TKOB! “Shkodra n’Fest” në sheshin para bashkisë
30 Dhjetor, 16:33
-
Tërmeti i 26 nëntorit/ Hidhet shorti për shtëpitë e rindërtuara në Kombinat
30 Dhjetor, 15:54 -
Gjykata Kushtetuese legjitimon hetimet bazuar në ‘Sky ECC’! Përgjimet të vlefshme si prova, rrëzon biznesmenin Pëllumb Gjoka
30 Dhjetor, 15:28 -
Kryepeshkopi Anastas Janullatos shtrohet në spital! Kisha Orthodhokse: Shkak viroza sezonale, gjendja e tij e qëndrueshme
30 Dhjetor, 14:12 -
Berisha sulmon SPAK: Viti i burgosjeve politike, xhelati Rama donte PD! Zbuluam Skrapin e partisë si organizatë kriminale të drejtuar nga Altin Dumani!
30 Dhjetor, 13:48 -
'Giro d’Italia', Tirana bëhet gati për specialistët e kronometrit
30 Dhjetor, 12:43 -
Veliaj në SPAK, Rama: Linçimi publik i neveritshëm! Çorbë derrash, s’mund të jetë arsye për qëndrime politike! Po i cënohet jeta familjare
30 Dhjetor, 11:10 -
Lëvizte me armë zjarri, arrestohet 15-vjeçari në Tiranë
30 Dhjetor, 11:06 -
SPAK dërgon për gjykim 3 të pandehur, pjesë e një grupi të strukturuar kriminal! Trafik droge në Francë më 2022 (EMRAT)
30 Dhjetor, 10:50 -
Kryepolici Ilir Proda urdhëron shlyerjen e pagesave të prapambetura për efektivët e Policisë së Shtetit, fondi 1,5 mld lekë! Sot pritet dhe shpërblimi për festat
30 Dhjetor, 10:13
Njerezit ngaterrohen sepse kryqezimi eshte kondrapedal…duhet qe te kapesh korsine e djathte per te ecur drejt dhe korsine e majte per tu kthyer djathtas. O zot, do hyjme ne Gines me kte kryqezim, por si qesharake. Nuk ma do mendja qe te kete nji tjeter si ky ne bote..
PërgjigjuTabela thoni ju . Po ça tabelash thoni ju . Tabela e vija te bardha s'ka ne gjithe Shqiperine e ju kerkoni tabela . Ne i paguajme taksat e rruges, por tabela e vija te bardha qe te ndihmojne trafikun as qe behet fjale. Vija t e bardha jane bere kur eshte bere rruga e re , dhe s'jane lyer me. Pastaj specialistet e leshit thone qe eshte faji i shpejtesise per aksidentet , jo rruget. Ne Gjermani ecin sa te ha kemba po nuk ndodhin aksidente si ne Shqiperi se populli nuk kalon ne rruge po ne vijat e bardha Ne paguajme taksa por nuk kemi sherbime
Përgjigjute lodhur ....
PërgjigjuPo pse ju duket çudi mungesa sinjalistikes aty?? Mungese sinjalistike ka ne cdo rruge cep e ncep te shqiprise. Ne kemi specialiste rrugore kokrra kari qe akoma thojne termin "autostrade" kur nfakt ne kemi ca biçim superstradash. Problemi ke ne osht qe kemi njerez tpapergjegjshem edhe injorante
PërgjigjuHahahaha! Një kryqëzim dhe bëhet lëmsh!! Po sikur të ishte Tirana 6 meleon?!
PërgjigjuE provova vetë të shtunën. Shumë rrëmujë. Tabela duhej vendosur shumë më përpara, me germa më të medha, dhe e përsëritur disa herë. Është praktikë e njohur në botën e zhvilluar, që sa herë ka një tabelë të re, apo një devijim rruge, lajmërimi jepet disa kilometra më parë, dhe gradualisht, shoferët fillojnë pozicionohen në krahun e duhur. Këtu kishte vetëm një copë tabele mikroskopike, pikërisht ku ndaheshin rrugët. Dhe për ironi, ndarja majtas të çonte djathtas, dhe anasjelltas. O zot ju kalbshinbtrutë atij që i ka bërë. Turp!
PërgjigjuU hap nje segment i ri , ok. Bashkia apo Arrsh, kush e ka , duhet te vendosi tabela te sakta sic ka gjith bota. Aty eshte bere nje kaos qe krijon vetem aksidente
PërgjigjuKeta pseudospecialist qe nuk dine te vendosin tabela drejtimi automjeteve duhet te largohen dhe te gjobiten mbasi kane krijuar kaos ne trafik
Përgjigju