POP 5

Lajmet më të lexuara të 5 minutave të fundit

Sport

‘Për Partizanin jap jetën!’ Tifozët në delir, festojnë titullin me këngë e valle: Në finalen e Champions-it luajmë me Milanin (VIDEO)

Tifozët e Partizanit e festuan titullin kampion duke pushtuar fushën e lojës dhe duke kënduar e kërcyer valle. 

Vërshëllima e trefishtë e arbitrit në ndeshjen e fundit të kampionatit gëzoi më shumë se këdo tifozët e Partizanit. Të kuqtë ishin të papërmbajtur dhe menjëherë pushtuan fushën e lojës, duke takuar nga afër idhujt e tyre. Mirëpo disa ishin më të veçantë, pasi titullin kampion e festuan me këngë dhe valle.

"Vallahi kemi kohë që e presim këtë titull sepse shumë herë na kanë ngrenë hakun. Herë arbitra, herë federatë e herë Armand Duka, por ia arritëm qëllimit. Sado ta ndalësh lumin ai është i furishëm dhe do ecë para. Si dallgë do ta çajmë se jemi KAMPIOOONNNN,”-u shpreh një tifoz.

 “Është një gëzim i paparë. Ne ndjekim një ekip me emra legjendë si Loro Boriçi, Panajot Pano. Me breza të tjerë si Safet Berisha dhe të tjerë. Me Gaz Demin ia arritëm qëllimit. A mendon se iu favorizoi arbitri këtë sezon, në ndeshjen Tirana-Bylis? Ne nuk jemi arbitra, jemi tifozë. Ne nuk na pyet njeri,”-tha një tjetër tifoz.

Dy tituj në kater vitet e fundit. Më i bukur ky apo ai me Skënder Gegën?

“Ky është titull më i bukur, por edhe Skënder Gega futi një frymë të re dhe ky brez është tani,"-deklaroi një tifoz.

Do luani në Champions League tani …

“Do luajmë në finale me Milanin. Janë dy skuadra të kuqe. Ka lezet e kuqja,”-tha një tjetër tifoz.

Sa vite keni që e ndiqni Partizanin?

“Unë që 1994 e ndjek në stadium,”-tha një tifoz.

“Unë kam 53 vite që e ndjek vetëm 128 ndeshje s’kam pa. Kam një kënaqësi të madhe se vdes për atë Partizanin,”-u shpreh një tjetër tifoz.

Në tribuna nuk munguan as ata tifozë të cilët kanë një jetë që e ndjekin Partizanin, por që titullin në stadium e festuan për herë të parë.

“Unë që në moshën 8 vjeç e kam ndjekur Partizanin, por kjo është hera e parë që e shoh në stadium duke fituar titullin. Më herët e kam parë vetëm në televizor. Më behet qejfi për Partizanin se ka ekip të mirë dhe ka ecur,”-tha një tifoz.

Ky ishte titulli i 17 në historinë e Partizanit, që pavarësisht se e mbylli sezonin me pikë të barabarta me Tiranën, e festoi titullin për shkak të përballjeve direkte.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

25 Dhjetor, 17:25 nga Arlind Isa