Përdori anijen për propagandë
Mandija: Të lirohet Gazmir Tahiri

Zëvendëskryeministrja Mandija i kërkon ministrit të Transportit Sokol Dervishaj lirimin nga detyra të Drejtorit të Drejtorisë së Përgjithshme Detare, Gazmir Tahiri.
 
Mandija kërkon lirimin e tij, pasi në datën 27 Maj nga Porti i Vlorës ka dalë për lundrim një anije, e cila është pronë e kapitenerisë së porteve, në të cilën disa të rinj, simpatizantë të një subjekti politik në praninë e një kandidat për deputet,  propagandojnë dhe  manifestojnë me simbole partiake.
 
Zëvendëskryeministrja Mandija deklaron se shkeljen e ka të dokumentuar edhe me pamje filmike, kur anija ka dalë për lundrim me simpatizantët e subjektit politik në praninë e kandidatit për deputet.

Ditët e fundit Ledina Mandija ka urdhëruar pezullimin dhe shkarkimin e disa drejtorëve në administratë për përfshirje në fushatën e zgjedhjeve të 25 qershorit. 

Deklarata e zv/ Kryeministres
Zëvendëskryeministrja Ledina Mandija, në cilësinë e drejtuesit të Task Forcës, i kërkoi Ministrit të Transportit dhe Infrastrukturës, Sokol Dervishaj, shkarkimin nga detyra të Drejtorit të Drejtorisë së Përgjithshme Detare, Gazmir Tahiri, i cili referuar informacioneve në kundërshtim  me pikën 13 të VKM-së Nr.473, datë 1.06.2017 ka vënë në dispozicion të një subjekti elektoral mjete, të cilat janë pronë e administratës shtetërore.
 
Sipas informacionit të provuar me pamje filmike në datën 27 Maj nga Porti i Vlorës ka dalë për lundrim një anije, e cila është pronë e kapitenerisë së porteve, në të cilën disa të rinj, simpatizantë të një subjekti poltik në praninë e një kandidat për deputet,  propagandojnë dhe  manifestojnë me simbole partiake.
 
Zëvendëskryeministrja  i kërkon Ministrit Dervishi  të marrë masa në mënyrë të menjëhershme si dhe referimin e rastit pranë organeve të Prokurorisë së Përgjithshme.


dy.b/shqiptarja.com