POP 5

Lajmet më të lexuara të 5 minutave të fundit

Politikë

Përdorim i postit për fushatë, KQZ shqyrton 2 denoncimet e para!  Nis hetimi administrativ për deputetin e PS në Fier, Bujar Çela

Komisioni Qendror i Zgjedhjeve ka marrë denoncimet e para për përdorimin e administratës në fushatë zgjedhore ditën e sotme (8 janar). KQZ përmes një njoftimi zyrtar bën me dije se ka marrë dy denoncime për deputetin e PS-së në qarkun e Fierit Bujar Çela.

Përdorim i postit për fushatë, KQZ shqyrton 2 denoncimet e para!  Nis hetimi administrativ për deputetin e PS në Fier, Bujar Çela

Komisioni Qendror i Zgjedhjeve ka marrë denoncimet e para për përdorimin e administratës në fushatë zgjedhore ditën e sotme (8 janar). KQZ përmes një njoftimi zyrtar bën me dije se ka marrë dy denoncime për deputetin e PS-së në qarkun e Fierit Bujar Çela.

Gjithashtu është marrë denoncimi dhe për drejtorin e Kadastrës së Lushnjës, Arben Qalliu ku të dy ata akuzohen se kanë shpërndarë certifikata pronësie një ditë përpara Vitit të Ri. Denoncimi sipas KQZ-së, ka ardhur pas postimit të fotografive në llogaritë e Facebook të Çelës dhe Qalliut.

Për këtë arsye KQZ ka nisur procedurën administrative fillimisht ndaj drejtorit të Kadastrës së Lushnjës, i cili do të thërritet për të dhënë shpjegime pranë Komisionit Qendror të Zgjedhjeve për shkeljen e vendimit nr.9, që ndalon përdorimin e administratës publike në fushatë elektorale.

“Në Komisionin Qendror të Zgjedhjeve, janë raportuar dy denocime në ndërfaqen e “Aktiviteteve të Ndaluara”, në rubrikën “Kallëzo”,  për veprimtaritë e deputetit të PS, Qarku Fier, z. Bujar Çela, i cili ka publikuar në llogarinë e tij personale në Facebook disa foto me qytetarë të ndryshëm duke shpërndarë leje legalizimi të shtëpive të tyre në Njësinë Administrative Hyzgjokaj.

Bazuar në denoncimet e raportuara, Komisioneri Shtetëror i Zgjedhjeve, ditën e hënë, më datë 11.01.2021, ora 12:00, zhvillon seancën dëgjimore për shkelje të parashikuara në vendimin nr. 9, datë 24.12.2020 të Komisionit Qendror të Zgjedhjeve, me

Arben Qalliu, Drejtor i Drejtorisë Vendore i A.SH.K Lushnjë.

Bazuar në nenin 47 dhe 87 të ligjit nr. 44/2015 “Kodi i Procedurave Administrative”, z. Qalliu ka të drejtën të paraqitet vetë ose me mbrojtës ligjor për të dhënë shpjegimet e tij, ditën e hënë, më datë 11.01.2021, në adresë Rr.Ibrahim Rugova, nr.4, Tiranë”, thuhet në njoftimin e KQZ-së.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Zyrtare/ Mesfushori i Tiranës firmos te Bologna, kryeqytetasit arkëtojnë 250 mijë euro

Zyrtare/ Mesfushori i Tiranës firmos te Bologna, kryeqytetasit arkëtojnë 250 mijë euro

22 Janar, 19:02