Borrell: Nuk jam në garë me Grenellin, marrëveshja Kosovë-Serbi me pajtimin e të dyja palëve

Përfaqësuesi i Lartë i BE’së, Josep Borell, sot në mesditë ka zhvilluar një takim me presidentin e Kosovës, Hashim Thaçin.

Borell ka theksuar faktin se Kosovës i duhet një qeveri e re dhe se Bashkimi Europian nuk është i plotë pa Ballkanin Perëndimor.

Përfaqësuesi i Lartë i BE’së tha se kosovarët janë njerëz të lirë të vendosin për fatin e tyre, pra është çështje e kosovarëve se çfarë do të ndodhë me vendin e vet.

“Unë – tha Borrel do jem i lumtur që të krijohet një qeveri sa më shpejtë që të jetë e mundur”.

Ndërkaq, përsa i përket SHBA-së dhe të emisarit të tyre, Richard Grenell, Borell tha se BE nuk është në garë me të por se Kosova është një temë e rëndësishme për Europën, prandaj edhe ka investuar miliarda euro.

“Amerikanët kanë shumë plane dhe kanë plane për çdo gjë. Kanë plane për Lindjen e Mesme dhe këtu është çështje tjetër të kesh plan dhe të angazhohesh që të arrish sukses. Ne kemi qenë shumë të angazhuar në Kosova dhe kemi shpenzuar më shumë se 1 miliardë euro. Por, nuk po bëjmë garë me amerikanët”.

Borrel tha se “SHBA dhe BE do të punojnë bashkë në arritjen e qëllimeve të përbashkëta dhe nuk do të ketë diferenca mes tyre në zgjidhjen e problemeve.

Dje përfaqësuesi Special Presidencial i Shteteve të Bashkuara të Amerikës për dialogun Kosovë-Serbi, Richard Grenell, ka konfirmuar se aktualisht është duke i udhëhequr i vetëm përpjekjet për rinisjen e dialogut Kosovë-Serbi.

Grenell tha se se në punën e tij të deritanishme të konkretizuar edhe me dy marrëveshje, një për linjën ajrore dhe tjetra për hekurudhën Prishtinë-Beograd, nuk kanë qenë të përfshirë as Gjermania, as Franca e as Bashkimi Europian.

Megjithatë ai tha se të gjithë ata që janë të interesuar për të ndihmuar janë të mirëpritur.

TAG:
• kosove
• hashim thaci
• Josep Borell