POP 5

Lajmet më të lexuara të 5 minutave të fundit

Shëndeti

Përfitimet nga çajrat, specialisti: S’kemi kulturën e konsumimit të tyre. Nuk dukemi pak ‘gjynah’?! (VIDEO)

I ftuar në "Rreze Dielli" agronomi Zef Gjeta sjell shqetësimin se edhe pse natyra shqiptare është e pasur në bimësi, kultura për kultivimin e bimëve për t’u përdorur për çajra të ndryshëm është e vakët.

Pisha është një bimë e cila nuk njihet vetëm si burim i mirë drusor. Vetitë e saj të jashtëzakonshme sjellin përfitime edhe në shëndetin e njeriut.

I ftuar në “Rreze Dielli” agronomi Zef Gjeta  ka folur pikërisht rreth vlerave që kjo bimë ka, përfitimeve shëndetësore që i sjell shëndetit të njeriut. Përdorimet e shumta, duke filluar nga çaji i pishave deri te përdorimi në masazhe terapeutike, e bëjnë të veçantë bimën, origjina e së cilës është nga Evropa dhe që përshtatet shumë mirë edhe në klimën shqiptare.

“Për çajin e pishës, më e mirë është sythi i majës që rritet, thahet dhe halat e pishës. Për të kuruar kollën, acarimet e fytit, merren halat e pishës që duhet të lahen, të copëtohen, i shtypim që vlerat e saj të veprojnë sa më mirë dhe veprojmë si për çdo çaj tjetër. Kam dëgjuar që është caji i jetës, pasi të rrit jetëgjatësinë, por e vërtetuar është që të ndihmon në kurimin e ftohjes, kollës, acarimin  në fyt, mendje të mprehtë.” thotë Gjeta.

Megjithatë ai sjell shqetësimin se edhe pse natyra shqiptare është e pasur në bimësi, kultura për kultivimin bimëve për t’u përdorur për çajra të ndryshëm është e vakët.

“Për fatin tonë të keq, menuja e çajrave është shumë e vakët. Menuja e çajrave duhet të jetë më e madhe se çdo gjëje tjetër në kafene apo restorante, sepse jemi në ‘mesin e dheut’. Nuk gjej fjalë tjetër, por a nuk dukemi pak gjynah? Nuk i njohim, nuk i dimë, nuk i përdorim çajrat nuk kemi një kulturë të mirë të konsumimit, jemi bazikë.” shprehet në “Rreze Dielli” agronomi Gjeta.

D.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15