I vihet zjarri fabrikës së drurit në Fushë- Krujë, digjen dhjetëra m3 lëndë drusore! Banori: Po të mos na thirrnin fqinjët, do ishim djegur brenda familjarisht

FUSHË- KRUJË- Një fabrikë e përpunimit të drurit dhe të prodhimit të paletave është përfshirë nga flakët në orët e para të mëngjesit të sotëm.

 Fabrika ndodhet në fshatin Ura e Gjolës në Fushë- krujë, ku nga raportimet paraprake dyshohet se është zjarrvënie e qëllimshme, kjo për shkak se sipas zjarrfikësve zjarri ka pasur 4 vatra të ndryshme.

Si pasojë e flakëve, fabrikën e cila në pronësi të Afrim Çelës, janë djegur dhjetëra metër kub dërrasa dhe materiale drusore, fatmirësisht jo të lënduar në njerëz.

LEXO EDHE:
Panik në Paris, zjarr në ashensorin e Kullës Eifel, evakuohen 1200 veta

Banori tregon se kjo nuk hera e parë që i vihet flaka kësaj fabrike, teksa ngre si problematikë që lënda drusore është vendosur shumë afër shtëpive të banuara. Për gazetarin, Julian Shota, ai tregon se nëse nuk do kishin qenë fqinjët, ato do ishin djegur brenda.

"Po na rrezikojnë shtëpinë, po na djegin brenda, fëmijët brenda janë trishtuar, janë përplas nëpër faqe muri duke dalë me vrap. Ka ndodhur edhe një herë tjetër, i kanë vënë vatra për t'u djegur dhe po prap nuk kanë bërë asgjë. Nuk lihen dërrasat këtu ngjitur me shtëpinë, nuk është e lejueshme. Ne ndihemi të rrezikuar. Mos të kishin ardhur për të na thirrur ne do ishim djegur brenda. I bëj apel shtetit që të largoje menjëherë dërrasat nga këtu, do na djegin brenda. Kemi qenë në gjumë kur ra zjarri, na erdhën te porta duke na thënë "dilni jashtë". Jemi 4 veta në familje, 2 fëmijët nusja dhe unë. Kanë rreth 5-6 vite këtu, na rrezikojnë edhe fëmijët se mund të rrëzohen", tregon fqinji.

TAG:
• fushe kruje
• zjarr
• afrim cela

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.7%

Vota total: 1550

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq