VIDEO/ Përfshihet nga flakët oborri i fabrikës së prodhimit të lëngjeve AMITA në Libohovë

GJIROKASTËR- Një zjarr ka përfshirë bllokun e paletave të drurit jashtë godinës së fabrikës së prodhimit të lëngjeve AMITA në Libohovë.

Dyshohet se zjarri është shkaktuar si pasojë e një shkëndije elektrike, ndërsa raportohet për dëme të konsiderueshme materiale.

Në vendngjarje kanë shkuar forcat e PMNZSH se Libohovës, Gjirokastrës dhe Dropullit të cilët kanë vënë flakët nën kontroll.

'Rreth orës 14:30, në aksin rrugor Sofratik-Libohovë, ka rënë zjarr në një fabrikë dhe për pasojë janë shkaktuar vetëm dëme materiale. 

Shërbimet e Policisë dhe të zjarrfikëses kanë shkuar menjëherë në vendin e ngjarjes dhe kanë bërë të mundur fikjen e zjarrit.  Paraprakisht dyshohet se zjarri ka rënë aksidentalisht. 

Grupi hetimor po punon për sqarimin e plotë të rrethanave të ngjarjes.'- njofton policia.

Rendit zhvillimet sipas orarit:
Ora 20:28
Forcat zjarrfikëse të Libohobës, Dropullit dhe Gjirokastrës shuan flakët në oborrin e fabrikës 'Amita'

1690473493_page.jpg

Ndërhyrja në kohë e forcave zjarrfikëse të Libohobës, Dropullit dhe Gjirokastrës, kanë bërë që të shuhet në kohë zjarri i shkaktuar në oborrin e fabrikës së prodhimit të lëngjeve Amita, në Libohovë, pasditen e sotme. 

Fatmirësisht nuk ka të lënduar në njerëz por vetem disa dëme materialesh në mjediset e jashtme të fabrikës. Situata është normalizuar dhe puna do të vazhdojë normalisht thuhet në një reagim të kompanisë për Report TV e cila falenderon forcat zjarrfikëse për ndërhyrjen në kohë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Kremlini, përshkallëzim i ri i tensionit nga Stoltenberg

Kremlini, përshkallëzim i ri i tensionit nga Stoltenberg