Grushta mes njëri-tjetrit, përfundojnë në polici Pashk Laskaj e Refik Halili

Presidenti i klubit të Laçit, Pashk Laskaj, është shoqëruar në polici pas një sherri të ndodhur mes tij dhe presidentit të klubit të Tiranës, Refik Halili.

Sherri mes tyre mësohet se ka ndodhur përpara restorant TIRANA i cili ndodhet në pronësi të kunatit të Saimir Tahirit, Alban Berisha, ngjitur me terminalin e autobuzëve të Jugut, pranë reth-rrotullimit të Doganës. Presidenti i Laçit raportohet se ka dalë në rrugë dhe ka qëlluar presidentin e Tiranës, Refik Halili, kjo ka bërë që Laskaj të shoqërohet në rajonin nr.6 të Tiranës. Burimet nga policia bëjnë me dije se bashkë me Laskajn është shoqëruar edhe presidenti i Tiranës, Refik Halili.  Dy presidentët po procedohen në gjendje të lirë për veprën penale “Dëmtime të tjera me dashje”, parashikuar nga neni 90 i Kodit Penal.

Kujtojmë se menjëherë pas përfundimit të ndeshjes së parë mes Tiranës dhe Laçit e cila përfundoi në barazim 1-1, pati edhe një incident mes dy klubeve ku lojtarët u përplasën fizikisht në dhomat e zhveshjes. 

Presidenti i Laçit, Pashk Laskaj, ka hedhur poshtë akuzat për fyrje apo provokim të futbollistit Majkëll Ngo në sfidën e së shtunës kundër Tiranës që precipitoi në sherr në dhomat e zhvjeshjes. I pyetur nga “Report TV” për atë që ndodhi në “Selman Stërmasi” Laska deklaron: “E vërteta është se jo vetëm unë, po asnjë nuk ka patur probleme me Majkëll Ngoo. Unë nuk kam debatuar fare me futbollistin e Tiranës. Kamë komunikuar për një episod me arbitrin anësor. Ngo erdhi aty dhe tentoi të më godiste. Problemi është i thjeshtë, Tirana vetë e provokoi sherrin. Çfarë donte futbollisti i Tiranës në dhomat e zhvjeshjes së Laçit?”


 

TAG:
• Tirane
• Laçi
• Pashk Laskaj