Godina 27 e Qytetit Studenti ka marrë një tjetër pamje, pas rikonstruktimit të bërë. Kryetari i Bashkisë së Tiranës, Erion Veliaj, i shoqëruar nga ministrja e Arsimit, Sportit dhe Rinisë, Besa Shahini dhe deputetja e PS, Blerina Gjylameti, inspektuan punimet e kryera në këtë godinë, duke vlerësuar ndryshimin që ka pësuar ndërtesa në kushte më të mira për studentët.
“Jam shumë i lumtur që kemi ecur me konviktet. Ende pa mbaruar sezoni, pa ardhur vera, kemi mbaruar të pestin, ndërkohë pjesa tjetër është kantier. Kemi rreth 11 godina të tjera në pritje për të filluar. Disa i kemi ndarë me miqtë e tjerë që po na ndihmojnë, si TIKA apo KFË-ja, disa me donatorë, pra sipas nismës adopto një konvikt. Ama, ato që kanë përfunduar janë në kushte shumë të mira, me termoizolim, me nyje higjieno-sanitare, me dushe, me tarraca të rregullta, me hapësira të përbashkëta, me ndriçim led, me rrjet të ri elektrik dhe me salla studimi”, tha Veliaj.
Ai theksoi se pas përfundimit të punimeve në ambientet e përbashkëta, me ardhjen e pushimeve verore për studentët, do të nisin puna nëpër dhoma. “Deri në fund të muajit tjetër, me sistemin e partnerëve të bashkisë, do t’i kemi adoptuar të gjitha konviktet. Pasi mbarojnë sezonin dhe pasi mbaron viti akademik, studentët i lënë dhomat e lira, kështu që kolegët tanë të rezidencës universitare futen në nivel kapilar për të bërë rregullimet në dhoma dhe mobiljet e reja. Kur studentët të kthehen në tetor, kjo pjesë e Paktit për Universitetin do të jetë përmbushur”, u shpreh Veliaj.
Ministrja e Arsimit, Sportit dhe Rinisë, Besa Shahini falenderoi Bashkinë e Tiranës për punën e bërë me konviktet, duke theksuar se ky është një model i mirë për t’u ndjekur edhe nga bashkitë e tjera që kanë universitete. “Keni bërë një punë shumë të mirë. Kemi qenë parë disa javësh kur ishte kantier ndërtimi, tani puna kishte mbaruar në pjesën kryesore. Do të doja që modelin që po realizon Bashkia e Tiranës ta përdorim edhe për konviktet që janë pranë universiteteve jashtë Tiranës. Universiteti i Elbasanit dhe i Vlorës kanë marrë përsipër që të bëjnë disa ndërhyrje në konviktet e tyre. Bashkia e Tiranës na ka treguar gjithmonë se me vullnet mund të realizohen gjërat që ndoshta jo gjithmonë janë në kompetencë, por i merrni përsipër dhe i realizoni deri në fund”, tha Shahini.
Krahas punës për konviktet aktuale, Bashkia e Tiranës do të prezantojë shumë shpejt projektin final të kampusit universitar. “Përpara verës duam t’ju prezantojmë edhe me propozimin final për Kampusin Universitar. Ashtu siç po punojmë me shkollat 9-vjeçare dhe të mesme, me të njëjtin raport dhe me të njëjtën skemë të futemi edhe në Kampusin e ri Universitar. Prej gjithë kësaj energjie me studentët dhe me riparimet në Kampusin e Qytetit Studenti, besoj do mbërrijmë një nga ambiciet tona të Tiranës 1 milionëshe, por me një pol të dedikuar në këtë pjesë të qytetit kryesisht për studim, për akademi, për kërkim dhe për aktivitete sportive dhe rekreative, që besoj se janë një bekim jo vetëm për studentët, por edhe për gjithë komunitetin”, tha Veliaj.
Deputetja e PS, Blerina Gjylameti theksoi se falë Paktit për Universitetin sot janë bërë realitet disa gjëra që deri para pak muajsh ishin të pamendueshme. “Dua të falenderoj në mënyrë të posaçme Kryetarin e Bashkisë edhe Ministren, që falë bashkëpunimit që kanë patur të dy institucionet, falë Paktit të Universitetit të nënshkruar nga kryeministri Rama, sot shikojmë një realitet komplet ndryshe. E bindur se me këtë mënyrë siç po punohet, me mbështetjen e donatorëve, përtej pjesës së mbështetjes nga buxheti i shtetit, do t’ia dalim, që para se të mbarojë pjesa e parë, viti shkollor, të kemi ndryshuar një pjesë të mirë të konvikteve, e më tutje duke vazhduar edhe me projektin e madh të Kampusit të Universitetit të Tiranës”, tha Gjylameti.
Lajme të tjera
-
Veliaj inspekton konviktet e reja te Qyteti Studenti: Me kushte europiane, rrisim standardin për studentët e Tiranës
8 Qershor, 12:27 -
Tiranë, përurohet godina e re në Qytetin Studenti, Veliaj: Punimet me standarde europiane! Projekti i Lanës do të bëhet
13 Mars, 15:02 -
Përfundon godina e re në ‘Qytetin Studenti’, Veliaj: Së shpejti nis kampusi më i madh studentor! Mbajtëm premtimin për abone falas
3 Prill 2023, 14:22 -
Shkak u bë një pakujdesi në kuzhinë, shkrumbohet nga flakët vila tre katëshe në Tiranë! Dëme të shumta materiale (VIDEO)
23 Janar 2023, 18:50 -
20 mln euro kredi nga Gjermania për konviktet, synohet ngrohja nga eficenca e energjisë! Konviktet do ndahen në 3 kategori, 2 studentë në dhomë nëse paguan më shumë
24 Janar 2022, 17:22 -
Mbërrijnë në Shqipëri 37 afganë, akomodohen në Qytet Studenti! Në total 644 të strehuar në vendin tonë
2 Shtator 2021, 08:18 -
Takimi me afganët e strehuar në Qytet Studenti, Yuri Kim: U emocionova, një vajzë më dha vizatimin e një luleje si gjest miqësie
31 Gusht 2021, 10:16 -
Bashkia në terren për sistemimin e qytetarëve afganë të strehuar në Tiranë! Veliaj: Kanë shpresa dhe ambicie si tonat
29 Gusht 2021, 22:32 -
VIDEO/Lojëra, të qeshura dhe argëtim, si po kalojnë kohën fëmijët afganë në Qytetin Studenti
29 Gusht 2021, 20:05 -
Nga gazetarë e pilotë, afganët në Qytetin Studenti për Report Tv: Jemi të sigurt këtu, por duam të ikim në SHBA! I riu: Pashë shpërthimin në aeroport, vdiqën shumë njerëz
29 Gusht 2021, 17:02
-
Vijnë gjatë natës në Shqipëri 154 afganë, në total 275 të strehuar në Durrës e Tiranë! Rama: Aktivistë të shoqërisë civile! Xhaçka: Gra që u rrezikohej jeta në duart e talebanëve
27 Gusht 2021, 20:59 -
Afganë në Qytetin Studenti? Lajmi 'fake' që qarkulloi në portale, janë emigrantë nga Bangladeshi! Për nesër të planifikuara dy fluturime Kabul-Tiranë, por s’janë të sigurta
21 Gusht 2021, 19:40
