POP 5

Lajmet më të lexuara të 5 minutave të fundit

Kronikë

Përgjimi, Visho Ajazi kontroll
telefonave të ministrave

Kuvendi kërkon të dhëna nga Kanadaja për kreun e Shërbimit Informativ Shtetëror. Agjenti: Telefonatat e Bushatit, Canit, Tahirit dhe Ahmetajt janë regjistruar. Telefonat e ministrave të kabinetit qeveritar të drejtuar nga Edi Rama, vijojnë të qëndrojnë nën survejimin e SHISH. (Në foto: Visho Ajazi dhe Sajmir Tahiri)
Përgjimi, Visho Ajazi kontroll<br />telefonave të ministrave
TIRANE- Telefonat e ministrave të kabinetit qeveritar të drejtuar nga Edi Rama, vijojnë të qëndrojnë nën survejimin e SHISH. Teksa kanë qenë viktima të përgjimit të Shërbimit të drejtuar nga Visho Ajazi në kohën që ishin në opozitë dhe pse e majta ka ardhur në pushtet e një pjesë e deputetëve janë bërë ministra, SHISH s’ka shkëputur “linjën” e përgjimit, duke regjistruar bisedat telefonike të tyre me kolegët, kreun e qeverisë apo aleatët, shpeshherë të deklaruar pa asnjë korrekturë në Kuvend apo në konferenca për mediat nga ish-lideri i PD-së Sali Berisha, apo dhe deputetët e kësaj force politike.

Burimet saktësojnë se deputetët e mazhorancës, në kuadër të përgatitjes së dosjes për kreun e SHISH Visho Ajazi me tërë shkeljet e tij, ku kopsitja e saj do të bëhet gjatë seancës së dëgjimit e përmes pyetjeve në Komisionin e Sigurisë Kombëtare, do të kërkojnë të dinë se përse janë përgjuar ministrat në komunikimet e tyre. Dhe fjala është për ministra të rëndësishëm si Ministri i Jashtëm Ditmir Bushati, Ministri i Brendshëm Saimir Tahiri, Ministri i Financave Shkëlqim Cani, ai i zhvillimit Ekonomik Arben Ahmetaj e zyrtarë të lartë të Ministrisë Mbrojtjes dhe Kuvendit. Ky element do jetë bazë e pyetjeve, pasi këto ministri përbëjnë bazën e sigurisë kombëtare.

Burimet brenda grupit të mazhorancës thonë se nuk ka si shpjegohet ndryshe që dhe bisedat më të thjeshta mes ministrave apo mes kryeministrit dhe ministrave, si dhe nismat e ndryshme në luftën kundër krimit, apo për procesin e integrimit dhe rolit të Shqipërisë në Aleancën Atlantike, bëhen publike në fillim nga goja e ish-liderit të opozitës. Deputetët do të kërkojnë shpjegime nga Visho Ajazi dhe për rrjedhjen e informacioneve drejt vendeve jo mike dhe armike të bllokut demokratik, duke sjellë shumë probleme për besueshmërinë e Shqipërisë në këto aleanca dhe në familjen evropiane drejt të cilës aspirojmë të integrohemi.

Pasi s’kanë qënë të rastësishme deklaratat e Berishës, Bashës, Ristanit etj, për elementë deri të marrëveshjeve ekonomike me vende të rajonit apo më gjërë. Këto elementë do mundohen të zbardhin deputetët e mazhorancës përmes pyetjeve, kur Visho Ajazi të mbërrijë në Komisionin Parlamentar të Sigurisë kombëtare për të raportuar, i thirrur nga deputetët e të gjithë palëve politike.

Të survejuarit
Ditë më parë, gazeta “Shqiptarja.com” publikoi emrat e 8 personave për të cilët agjentë të SHISH kanë marrë direktiva nga drejtuesit e tyre, për t’i përgjuar. Bëhet fjalë për deputetin e LSI-së Spartak Braho, këshilltarin e kreut të qeverisë Edi Rama, Ermal Beqiri, Drejtoreshën e Përgjithshme të Tatimeve Briseida Shehaj, prefektin e Vlorës Besnik Dervishi, kreun e bashkisë së Vlorës Shpëtim Gjika, Drejtoreshën e Doganave Elisa Spiropali, Drejtorin e Përgjithshëm të Policisë së Shtetit Artan Didi, si dhe shefin e qarkullimit në Vlorë, Ilir Rrokaj.
 
Shkrimi u publikua sot (09.03.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

24 Nëntor, 14:52