Përhapja e variantit delta kërcënim, Franca rikthen masat anti-COVID, në bare, kafe dhe restorante ‘biletë’ pasaporta e vaksinimit

FRANCË- Teksa varianti delta po përhapet me shpejtësi marramendëse, presidenti francez Emmanuel Macron në kuadër të parandalimit të rritjes së infektimeve ka njoftuar se nëpër bare, restorante dhe kinema do të mund të hynë vetëm qytetarët e vaksinuar kundër COVID-19, ose personat të pajisur me një test negativ.

Presidenti i ka bërë thirrje të gjithë qytetarëve të marrin dozat e vaksinës anti-COVID, duke u shprehur se kjo është e vetmja mënyrë për t’i lënë sa më pak hapësirë virusit.

"Ekuacioni është i thjeshtë. Sa më shumë të vaksinuar, aq më pak hapësirë i lëmë virusit për t’u përhapur”, tha Macron.

LEXO EDHE:
Mero Baze: Rikthimi i dytë i Francës në botën shqiptare 

Ndër masat e njoftuara nga qeveria lidhur me parandalimin e përhapjes së virusit, është detyrimi i punonjësve të shëndetësisë për të bërë një ndër vaksinat anti-COVID.

Macron i dh afat atyre deri më 15 shtator, përndryshe do të sanksionohen.

“Vaksinimi është një çështje e përgjegjësisë individuale, por gjithçka është edhe çështje e lirisë sonë”, u shpreh ai.

Aktualisht në Francë janë vaksinuar 40% e qytetarëve, megjithëse qëllimi final i qeverisë është arritja e imuniteti të tufës.

Teksa Franca dhe një pjesë e mirë vendeve rikthejnë masat anti-COVID për të frenuar përhapjen e variantit delta, Britania e Madhe po vazhdon planin e “Ditës së Lirisë” më 19 korrik, kur shumica e kufizimeve do të eliminohen.

J.GJ./KT/Shqiptarja.com

TAG:
• france
• Emmanuel Macron
• Koronavirus
• Vaksina Covid
• masat anticovid