POP 5

Lajmet më të lexuara të 5 minutave të fundit

Bota

Përkeqësohet situata nga përmbytjet në Itali, 14 të vdekur! Telefonata e fundit e të moshuarit: Kam ftohtë, shoh mobiljet që lëvizin nëpër shtëpi

Numri i viktimave nga përmbytjet në Emilia-Romagna ka arritur në 14 viktima, ndërsa ka edhe disa të zhdukur.

ITALI – Numri i viktimave nga përmbytjet në Emilia-Romagna ka arritur në 14 viktima, ndërsa ka edhe disa të zhdukur.

Bashkitë e përmbytura janë rritur në 42. Rreth 10 mijë persona janë shpërngulur për shkak të përmbytjeve ndërsa 18500 familje janë pa energji elektrike. Ka nisur edhe alarmi për rrëshqitje dheu.

Një banore në zonën e Emilia-Romagna, Marina Giacometti ka rrëfyer momentin e fundit të fqinjit të saj, i cili nuk pranonte të largohej nga shtëpia e saj në katin e parë në Via Marzar. Pas 47 minutave bisedë telefonike, Marina dëgjoi fjalët e tij të fundit.

“Kam ftohtë, shumë ftohtë. Uji ka hyrë dhe po ngrihet, shoh mobiljet që lëvizin nëpër shtëpi”, thoshte Gianni.

Gjëja e fundit që ajo i tha ishte: "Hip mbi tavolinë, ndërkohë do të thërras ndihmë, hajde do ia dalim...". Por më pas linja ra. Të nesërmen në mëngjes trupi i të moshuarit që kishte kaluar një jetë e kaluar duke punuar në një kompani mobiljesh për zyra në Imola, u gjet nën dy metra ujë.

Pasojat që lanë pas përmbytjet janë katastrofike, ndërsa njerëzit panë se si kursimet e një jete iu shkatërruan para syve. Fermerët raportuan humbje të pallogaritshme, ndërsa autoritetet kanë nisur hartimin e pastrimit dhe planet e rindërtimit.

Zyrtarët thanë se për shkak të reshjeve të jashtëzakonshme që nga fillimi i javës, ujërat e 21 nga 23 lumenjtë në rajon kanë dalë nga shtrati. Shirat e rrëmbyeshëm kanë shkaktuar përmbytje edhe në Ballkan duke përfshirë Serbinë, Kroacinë, Bosnje-Hercegovinën dhe Slloveninë.

Rendit zhvillimet sipas orarit:
Ora 21:45
Kuzhinieri kthehet në hero, shpëton fëmijët në Itali nga përmbytjet (VIDEO)

36-vjeçari Gjorgje Panitiç, shef kuzhine nga Beogradi u shndërrua në hero në Itali. Ai ia doli që të shpëtonte një fëmijë, teksa uji po vërshonte me shpejtësi. Ai ia doli që të merrte fëmijën nga dora e nënës e cila e kishte të vështirë që të lëvizte.

 “Nuk kishte kohë për të humbur dhe u nisa. Djali i vogël ishte pak i frikësuar, por dukej i qetë. E pyeta: ‘Si jeni? A jeni mirë?’Unë jam i gjatë 1.93 metra, kështu që fëmija ndihej i sigurt kur e mbaja në dorë. Ai më kapi qafën dhe më pas flokët ndërsa unë e mbaja mbi supe”, ka treguar Pantiç.

 

B.K./Shqiptarja.com

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça