Përleshja e dhunshme mes ultrasve pas ndeshjes Tirana-Vllaznia, shoqërohen 106 tifozë të ekipeve! 8 në pranga, 20 nën hetim (Emrat)

Tetë tifozë janë arrestuar pas përplasjeve të dhunshme mes ultrasve të Vllaznisë dhe Tiranës një ditë më parë. Policia shoqëroi 106 mbështetës të skuadrave ndërsa përgjatë sherrit, 5 tifozë mbeten të lënduar. Përplasja nisi në rrugën e Kombit, pas humbjes së Vllaznisë 0-1 përballë bardhebluve të kryeqytetit.

Tetë tifozë janë arrestuar dhe 20 të tjerë, proceduar penalisht pas përplasjeve në rrugën e Kombit, pas ndjeshjes Vllaznia-Tirana të luajtur në Kukës, ku u shoqëruan 106 tifozë.

Të arrestuar janë Klejvi Xeka, Klejdi Zyka, Renato Markgjoni, Ismail Asllani, Klodian Dumi, Rakip Lala, Fabjon Kurti dhe Frensi Shehi të moshës 18 vjeç, për “Plagosje e lehtë me dashje”, “Prishje e qetësisë publike” dhe “Shkatërrimi i pronës”, të kryera në bashkëpunim.

Përplasja mes tifozëve ndodhi pas disfatës së Vllaznisë në ndeshjen me Tiranën, me rezultatin 0-1, gol I pësuar në minutën e fundit të shtesës.

Pas sfidës, kanë qenë mbështetësit e Vllaznisë që kanë sulmuar tifozët e Tiranës, në Reps. Rrugës për në kthim, ultrasit goditën me sende të forta njëri tjetrin, , në një përleshje të dhunshme.

Nga përleshja e tifozëve të Tiranës dhe Vllaznisë pesë prej tyre mbetën të lënduar, të cilët u dërguan për mjekim në spitalin e Lezhës pas frakturave të shkaktuara. Edhe gjatë ndeshjes, mes "Fanatiksave" të Tiranës dhe tifozëve të Vllaznisë ka pasur ofendime në distancë.

Të dyja tifozeritë njihen për rivalitetin ndër vite.

M.T/KT/Shqiptarja.com

TAG:
• Vllaznia
• kf tirana
• Tifozët
• perleshje
• sport