Gjeorgji/ Debate kundër ligjit 'të stilit rus' mbi ndikimin e huaj, deputetët përleshen në parlament

Një përleshje mes deputetëve ka ndodhur në parlamentin e Gjeorgjisë, ndërsa deputetët debatonin mbi 'ligjin e stilit rus'.

Projektligji kërkon që mediat, organizatat joqeveritare dhe organizatat e tjera jofitimprurëse të regjistrohen si organizata që ‘ndjekin interesat e një vendi të huaj’ nëse marrin më shumë se 20% të financimit të tyre nga jashtë.

Opozita e quan atë 'ligji rus' pasi Moska përdor legjislacion të ngjashëm për të goditur mediat e pavarura, organizatat joqeveritare dhe aktivistët kritikë ndaj Kremlinit.

Deputeti nga partia në qeveri ‘Ëndrra Gjeorgjiane’, Dimitry Samkharadze, u pa duke akuzuar Levan Khabeishvili, president i partisë kryesore opozitare ‘Lëvizja e Bashkuar Kombëtare’. Khabeishvili e kishte akuzuar më parë për organizimin e një turme për të rrahur mbështetësit e opozitës. 

Ditët e fundit disa protestues dhe anëtarë të opozitës janë rrahur. Opozita i ka lidhur incidentet me protestat masive që kanë tronditur prej javësh vendin prej 3.7 milionë banorësh të Kaukazit Jugor për të protestuar kundër ligjit që po shqyrtohet nga Parlamenti. Sot pritet votimi përfundimtar.

M.Q./E.H/Shqiptarja.com

TAG:
• Gjeorgji