Përmbytet Kukësi, banorët: S' ka ndodhur kurrë më parë! Bashkia: Kolektori është bllokuar nga ndërtimet e reja

Prej tre ditësh Kukësi është përfshirë nga reshje të dendura shiu, duke sjellë përmbytje në qytet. Për pasojë ka pasur probleme në lëvizjen e këmbësorëve, automjeteve dhe nxënësve të shkollave, ndërsa uji ka  vërshuar në rrugët kryesore dhe të brendshme të qytetit.

Shirat e dendur kanë shkaktuar probleme dhe në lagjet 4.5.6 ku prej disa muajsh po kryhen investime. Qytetarët thonë se një përmbytje e tillë në rrugët e qytetit nuk ka ndodhur asnjëherë më parë. Shkak është bërë mosfunksionimi i rrjetit të kanalizimeve dhe cilësia e dobët e punimeve në rrugë.

"Shkak janë punimet jashtë kriterit. bëhen rrugë jashtë kritereve se Kukësi kurrë nuk është përmbyt. Shkak janë kanalizimet, nuk rrjedh uji dhe del në rrugë. Arsyeja është që tek nisja e projektit jashtë standardit europian. në një gjerësi 1 metër e gjysmë janë fut tre palë tuba një defekt me ndodh nuk mund të bësh më riparime", tha banorët.

Nënkryetari i Bashkisë së Kukësit Granit Gjana pranon se problematika është e mbartur prej vitesh dhe ka të bëjë me bllokimin e kolektorit dhe kanaleve kulluese.

"Gjithë problemi qëndron tek pika e obeliskut sepse janë ndërtuar disa pallate që kanë bllokuar kolektorin. Edhe kanalizimet kanë pasur probleme. Po mendojmë një zgjidhje për ta zgjidhur një herë e mirë këtë problem. Po studiohet nga inxhinierët e bashkisë që do të japin zgjidhje sepse po shohim si ta sistemojnë këtë pjesë", tha Granit Gjana Nënkryetar i Bashkisë Kukës.

Po ashtu përveç në qytetin e Kukësit probleme janë shfaqur edhe në  segmente të veçanta rrugore nga rënia e gurëve, dherave e vërshimet e ujërave. Më problematikë situata është në aksin rrugor Kukës-Ura e Zapodit kjo pasojë e rënies së gurëve e dherave.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 20/09/2021 23:50

    Duhet te merrni shembullin e Tiranes,kur pati nje incident te ngjashem me liq.artificial,vite perpara.Si veproi bashkia me shkaktaret,ju kujtohet?

    Përgjigju
  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD