Ish-Ministri i Bujqësisë, Edmond Panariti ishte i ftuar në Report Tv për situatën e përmbytjeve në zonën e Shkodrës, por edhe zona të tjera të vendit nga reshjet e ditëve të fundit dhe shkarkimet e HEC-eve. Panariti bëri thirrje edhe njëherë që të shpallet gjendja e emergjencës në Shkodër. “Duhet të shpallet gjendja e jashtëzakonshme, pasi situata është e vështirë prej disa ditësh.
Janë dëmtuar të mbjellat, ndërsa banesat janë rrethuar nga uji. Duhet një fond i posaçëm për katastrofat natyrore” u shpreh ai ndër të tjera. Gjithashtu, ish-ministri i LSI kërkoi që sistemi i kullimit dhe vaditjes te kaloje dikasterit qendror. Ndërkohë që në mesditë, kryebashkiakja e Shkodrës, Ademi i është përgjigjur zv/ kryeministres Mesi, e cila theksoi në një deklaratë për mediat se nuk do të shpallet emergjenca, por do të shtohen ndihmat.
Pas mbledhjes së Komitetit të Emergjencave, Mesi vendosi shtimin e ndihmave në zonat e përmbytura, si në ushqime dhe në forca në terren, por nuk vendosi shpalljen e gjendjes së emergjente. Ndërsa Ademi u shpreh se vendimi i sotëm, është një tjetër konfirmim i trajtimit diskriminues që qeveria i bën Shkodrës dhe qytetarëve të saj. Ndërkohë që zv/kryeministrja Senida Mesi ka mbërritur në Shkodër rreth orës 15:00 dhe po zhvillon një takim me Prefektin. Situata në disa njësi në Shkodër vijon që të jetë shumë problematike prej më shumë se tre javësh.
Deklarata e plotë e Voltana Ademit
Sot mendoja se do të më duhej të dilja para mediave për të njoftuar shpalljen e emergjencës civile nga qeveria shqiptare për zonat e përmbytura. Të gjitha indikacionet ishin se sot, Komiteti i Koordinimit të Emergjencave Civile në Tiranë, do të shpallte gjendjen e emergjencës civile pjesore në zonat e përmbytura të Bashkisë së Shkodrës.
Pas kërkesës time të datës 5 mars 2018 në Komisionin e Emergjencave Civile të Qarkut dhe dërgimit të saj në instancat qeveritare në Tiranë me 9 mars 2018, ishte Drejtori i Përgjithshëm i Emergjencave Civile të Republikës z. Shemsi Prençi dhe prefekti i Qarkut Shkodër z. Çesk Millja që kërkuan shpalljen e emergjencës civile.
Të dashur banorë të zonave të përmbytura të Bashkisë së Shkodrës,
Jam e detyruar t’u jap një lajm jo të mirë: Qeveria shqiptare e refuzoi zyrtarisht kërkesën tonë për shpalljen e emergjencave civile. Këmbëngulja jonë 15 ditore, rezoluta unanime e Këshillit Bashkiak të Shkodrës fatkeqësisht nuk u morën parasysh nga qeveria në Tiranë.
Më e keqja është se këtë përgjegjësi të rëndë refuzuese të një të drejte legjitime të banorëve në zonat e përmbytura, ia lanë një bashkëqytetareje, e zgjedhur deputete edhe me votat tuaja. Këtë herë Shkodrën qeveria ka vendosur ta dënojë duke përdorur një shkodrane dhe kjo, të gjithëve ne, na lë një shije të keqe.
Vendimet e marra nga Komiteti i Koordinimit të Emergjencave Civile në fakt, janë vetëm përsëritje e asaj, që të gjithë bashkë po kërkojmë dhe po bëjmë prej 3 javësh në territor: Të shtohet furnizimi me bazë ushqimore për banorët dhe ujë të pijshëm; të shtohet furnizimi me bazë ushqimore për gjënë e gjallë si dhe të shtohen forcat në terren për t’u ardhur në ndihmë banorëve sipas nevojave të tyre. Edhe këto gjoja vendime, janë vetëm një tallje për banorët në zonat e përmbytura.
Vendimin e sotëm të Komitetit të Koordinimit të Emergjencave Civile në Tiranë, do ta konsideroja një turp të madh dhe nëpërkëmbje e qytetarëve dhe institucioneve të tyre përfaqësuese në nivel vendor. Me keqardhje më duhet ta pohoj publikisht se vendimi i sotëm, është një tjetër konfirmim i trajtimit diskriminues që qeveria i bën Shkodrës dhe qytetarëve të saj.
Me këtë dalje publike, dua të siguroj banorët në zonat e përmbytura se do të vazhdojmë të jemi pranë tyre siç kemi qënë deri më tani. Po ashtu, do të jemi të parët dhe përkrah tyre, për të kërkuar dëmshpërblimin e të gjitha dëmeve të shkaktuara, të cilat kanë ardhur si pasojë e shkarkimeve dhe keqmenaxhimit të hidrocentraleve të kaskadës së Drinit.
d.b/shqiptarja.com
Lajme të tjera
-
Ylli Pata: Nga zonja Molotov, te zonja Napalm-Metamorfoza balistike prej Voltanës, te Monika!
28 Prill 2023, 19:37
-
Panariti: Skema aktuale e mbështetjes së blegtorisë, diskriminuese! Përjashton 70% të belgtorëve të vendit
31 Janar 2023, 14:33 -
Moti i keq dhe përmbytja e përvitshme në veri, Panariti në Report Tv: Kërkon 2 mln euro investime! Nga qeveria jepen shumë pak
23 Janar 2023, 13:52 -
Vërtetim i vazhdimësisë cinike dhe politike në ditën e buxhetit të Bashkisë së Shkodrës
29 Dhjetor 2022, 11:40
-
Braçe i përgjigjet Krifcës: Tani paskemi hall mbiprodhimin, tmerr të bësh fajtor bujkun! Sula: Deklarata të papërgjegjshme, pse nuk iu gjetët treg për vajin e ullirit
28 Dhjetor 2022, 09:47 -
Deputetja e PD në zonat e përmbytura në Shkodër: Qeveria t’i thërrasë mendjes dhe t’i lërë udhëtimet, shumë familje janë rrethuar nga uji
22 Nëntor 2022, 15:24 -
Përmbytjet në Shkodër, ministria e Arsimit: Do të vijojë pezullimi i mësimit në këto 14 shkolla
21 Nëntor 2022, 19:18 -
Duka mbi përmbytjet në Shkodër: Duhet shpërngulja e banorëve nga zonat nën nivelin e detit! Situata në PD? Grupimi i Alibeajt të mos prishë punë nëse nuk kontribuon
21 Nëntor 2022, 18:43 -
Spiropali në mbledhjen e Shtabit të Emergjencës në Shkodër: Kryetari i bashkisë duhet të ishte i pranishëm, nuk është momenti për politikën e ditës
21 Nëntor 2022, 16:22 -
Emërohet Drejtori i ri i Kabinetit në Presidencë! Ikën Edmond Panairti
25 Korrik 2022, 19:34 -
SPAK regjistron dosjen e dytë për Metën dhe Kryemadhin, të kallëzuar janë edhe Vasili, Panariti, Elona Guri dhe Muharrem Berisha për fshehje pasurie e korrupsion
4 Korrik 2022, 16:56
-
Kur s’të lënë rehat as të vdesësh
11 Maj 2022, 11:37
