POP 5

Lajmet më të lexuara të 5 minutave të fundit

Bota

Përmbytjet i marrin jetën 18 personave në Kaliforni! Ekspertët: Nga thatësira në stuhi, pasojë e ngrohjes globale

Stuhitë e forta të erës dhe shiut i kanë marrë jetën rreth 18 personave në Kaliforni. Pas acarit dhe dëborës, miliona amerikanë janë nën pushtetin e ujit prej ditësh tashmë. Sipas ekspertëve, kalimi nga thatësira në përmbytje ekstreme është pasojë e ngrohjes globale ndaj së cilës duhen marrë masa.

Acari dhe dëbora e pak javëve më parë i kanë lënë vendin përmbytjeve masive në Amerikë. Të paktën 18 persona kanë humbur jetën si pasojë e përmbytjeve në Kaliforni. Moti ekstrem me rrebeshe shiu dhe erëra tejet të forta ka prekur më shumë se 4.5 milion banorë, ndërsa mijëra të tjerë janë zhvendosur nga shtëpitë e tyre.

Lagje të tëra në Kaliforni janë nën ujë, erërat kanë rrëzuar pemë, në zona të ndryshme ka rrëshqitje dheu, ndërsa mungon energjia elektrike dhe uji i pijshëm. Guvernatori i Kalifornisë, Gavin Neësom, tha se nuk kishte parë kurrë stuhi të kësaj shkalle më parë.

Shkencëtarët e klimës thonë se klima po ndryshon me hapa të shpejtë drejt përkeqësimit, ku, pas dekadave të tëra thatësire që digjnin pyje të tërë, Kalofornia pushtohet prej ditësh nga shira të rrëmbyeshëm dhe përmbytje masive. Kemi kaluar nga thatësira ekstreme në lagështirë ekstreme, dhe kjo është shenjë e keqe, thonë shkencëtarët e klimës.

Edhe guvernatori ka thënë se duhet të merren masa, pasi kemi të ngjarë të shohim më shumë ngjarje si kjo në të ardhmen, tha ai.  Meterologët njoftojnë se në fundjavë, stuhitë pritet të zhvendosen më tej në veri, drejt shteteve bregdetare të Paqësorit, në Oregon dhe Uashington.

Përgatiti gazetari Sebastian Zonja

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Prill, 11:51

    Trump tarifa doganore 10 për qind Shqipërisë, sa ndikon në ekonomi?

Lajme të tjera



×

Lajmi i fundit

Partizani sfidon kampionët e Egnatias në Kupë, Gega: Janë ekipi për t’u mposhtur! Tetova: Kalendari i ngjeshur

Partizani sfidon kampionët e Egnatias në Kupë, Gega: Janë ekipi për t’u mposhtur! Tetova: Kalendari i ngjeshur

3 Prill, 15:01