Situata e zjarreve në vend paraqitet më e mirë gjatë orëve të fundit, por në bashkinë e Konispolit, vatra e zjarrit vijon që të jetë aktive. Që prej mëngjesit vijon zjarri në kodrat te Kepi i Stillos deri në Katajeto në Konispol. 2 forca zjarrfikëse po punojnë për shuarjen e flakëve, por zjarri është jashtë kontrollit.
Ministri i Mbrojtjes Niko Peleshi përmes një postimi në rrjetet sociale është shprehur se situata e zjarreve në territorin e vendit paraqitet më e mirë gjatë orëve të fundit. Vatra e fundit aktive e zjarrit në Laç është shuar përfundimisht mbrëmë gjatë natës, ndërsa në Fier flakët kanë lënë pas vetëm hirin e ullishteve dhe shkurreve të djegura.
Sipas tij pas një pune të gjatë të trupave të emergjencave civile në bashkëpunim me efektivë të FA, nën koordinimin e Agjencisë së Mbrojtjes Civile është bërë e mundur shuarja e pjesës më të madhe të vatrave aktive të zjarreve në vend. Ndërsa ditën e sotme është njoftuar përfundimi i operacionit të shërbimit zjarrfikës, ushtrisë dhe policisë së shtetit ka përfunduar në Laç dhe Fier.
'Situata e zjarreve në territorin e vendit paraqitet më e mirë, gjatë orëve të fundit. Pas një pune të gjatë të trupave të emergjencave civile në bashkëpunim me efektivë të FA, nën koordinimin e Agjencisë së Mbrojtjes Civile është bërë e mundur shuarja e pjesës më të madhe të vatrave. Në qarkun e Korçës ka një vatër aktive zjarri, në fshatin Arrëz, të bashkisë Devoll, e cila u riaktivizua pas izolimit të dy ditëve më parë. Po punohet në terren për fikjen e tij. Puna vijon edhe në malin Stilos, në bashkinë Konispol dhe fshatin Grazhdan, të bashkisë Finiq ku efektivë zjarrfikës po punojnë për shuarjen e vatrave të zjarreve. Në fshatin Jarua, në bashkinë e Fierit zjarri është shuar dhe po bëhet kontrolli i zonës. Puna ka vijuar deri në shuarjen përfundimtare të zjarreve në njësinë administrative Vergo të bashkisë Delvinë, në njësinë administrative Lopes të bashkisë Tepelenë, në Semens të Lushnjës, në fshatin Gur i Zi të bashkisë Elbasan dhe në lagjen Çlirim, bashkia Berat.'- shkruan Peleshi.
Nga ana tjetër Ministri i Brendshëm, Taulant Balla deklaron se me personin e arrestuar mbrëmë në Levan, shkon në 23 numri i arrestuarve për veprën penale të shkatërrimit të pronës përmes zjarrit.
“Zjarret në vend…Me personin e arrestuar mbrëmë në Levan, shkon në 23 numri i arrestuarve për veprën penale të shkatërrimit të pronës përmes zjarrit. Policia e Shtetit po vijon punën për dokumentimin e dëmeve të shkaktuara mjedisore, pronës private dhe publike dhe rrezikimit të jetës së banorëve. Do t’i ndjek personalisht të gjitha këto çështje penale në procedurat gjyqësore për ndëshkimin e një krimi barbar si ky, i cili në Kodin Penal të Republikës së Shqipërisë dënohet deri 15 vjet burg”, thekson Balla.
Një zjarr masiv ka përfshirë kodrat nga Kepi i Stillos deri në Katajeto, përballë fshatit Mursi në Bashkinë Konispol. Gazetari i Report Tv Limos Didani, raporton se zjarri ka dalë jashtë kontrollit. 2 automjete zjarrfikëse po punojnë për të shuar flakët. Zjarri që prej ditës së djeshme i aktivizuar në kepin e Stillos.
Një vatër zjarri është aktivizuar në fshatin Vrinë në Sarandë.
Lajm në përditësim...
Zjarri që ra pasditen e së hënës në malin mbi qytetin e Laçit është shuar plotësisht, por ka lënë pas dëme të konsiderueshme.
Operacioni i shërbimit zjarrfikës, ushtrisë dhe policisë së shtetit ka përfunduar në orët e vona të pasdites të së mërkurës dhe tashmë nuk ka më asnjë vatër aktive.
Ndërkohë me shuarjen e plotë të flakëve, emergjencat civile kanë nisur përllogaritjen e dëmeve.Nga të dhënat paraprake bëhet me dije se janë përshkuar nga zjarri mbi 90 hektarë pyje me pisha dhe bimësi, pjesa më e madhe e të cilave janë shkrumbuar plotësisht.
Kjo është hera e dy në harkun kohor të pak viteve që kurora e gjelbër mbi qytetin e Laçit përfshihet nga flaket e zjarrit, duke u zhveshur nga bimësia. Por zjarri i dy ditëve më parë ishte më problematiku, pasi flaket u përhapen me shpejtësi në një sipërfaqe të madhe, duke vënë në rrezik dhe zonën e banuar.
Për të normalizuar situatën u ndërhy dhe nga ajri me helikopter, ndërsa operacioni u drejtua nga vetë Ministri i Brendshëm Taulant Balla dhe Prefekti i Qarkut Lezhë Gjergj Prendi.
Si autor i zjarrvënies në Laç u prangos një person banor i zonës i cili po mbahet në dhomat e paraburgimit të policisë në pritje për tu njohur me masën e sigurisë në Gjykatën e Lezhës.
Në orët e para të mëngjesit të sotëm, në fshatin Jarua të Fierit është bërë e mundur shuarja e zjarrit, që rrezikoi banesat dhe alarmoi banorët që nga mesdita e djeshme.
Zjarrfikësit kanë vijuar edhe gjatë natës betejën e tyre me flakët, të cilat “pushtuan” kodrat me ullinj dhe shkurre të fshatit Jarua.
Mësohet se nga zjarri ka djegur mbi 10 hektarë ullishte, ndërsa banesat të cilat u rrezikuan nga flakët që u përhapën me shpejtësi nuk kanë pësuar asnjë dëmtim.
Zjarri në këtë zonë shpërtheu mesditën e djeshme, duke shkaktuar edhe disa shpërthime të municionit luftarak që kishte mbetur në tokë që nga koha kur zona kishte qenë repart ushtarak.
Më vonë, të favorizuara nga era flakët janë përhapur në një territor të gjerë duke dëmtuar sipërfaqe të konsiderueshme me ullishte, shkurre dhe hamulla.
Flaket u janë afruar edhe banesave, ndërkohë që ndërhyrja e shpejtë e zjarrfikësve të Fierit, Albpetrolit , Patosit e Roskovecit bënë të mundur fikjen e zjarrit në orët e para të mëngjesit të sotëm
Komente
Lajme të tjera
-
Konferenca/ Peleshi: Bardhi e interpreton ndryshe, Parlamenti s’kontrollon vetveten! Duket veprim politik, periudha e zgjedhjeve s’e lejon ngritjen e Komisionit
23 Dhjetor, 13:58 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13 -
Nesër reshje intensive me shtrëngata në 5 qarqe, apel për marrjen e masave
22 Dhjetor, 13:24 -
Kroacia kthen mbrapsht 3 ngarkesa me mandarina, me nivele të larta pesticidesh! Ministria e Bujqësisë: U Nisën nga Berati e Fieri, gjobit grumbulluesin
18 Dhjetor, 21:12 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Ministri Vengu takon studentët e masterit në AFA: T'i kushtojmë më shumë rëndësi sigurisë kombëtare
16 Dhjetor, 18:51 -
Kosova do të prodhojë dy lloj municionesh dhe do të dizajnojë dronë luftarakë! Nënshkruhet kontrata me kompaninë turke
16 Dhjetor, 16:00 -
VIDEO/ Merr flakë banesa në katin e parë të një pallati në Sarandë, fqinjët shpëtojnë të moshuarën që jetonte aty
15 Dhjetor, 16:46 -
Lushnjë/ Shkrumbohet dyqani në fshatin Delisufaj, shkak shkëndija elektrike
13 Dhjetor, 13:43 -
Debate në Kuvend për Opinionin e Venecias për Xhaçkën/ Bardhi: Shpikët një opinion që nuk ekziston! Bushka: Autonomia parlamentare fitoi të drejtën
12 Dhjetor, 12:53 -
Zjarri përfshin një banesë në Korçë, shkak dyshohet shkëndija elektrike, flasin banorët: U frikësuam se u bë gjithë tym, një grua përfundoi në spital, u asfiksua nga tymi
11 Dhjetor, 19:21 -
Agjencia e Mbrojtjes Civile bëhet me ‘shtëpi të re’ në 5-vjetorin e saj! Vengu: Kapacitet kombëtar, do e shtrijmë në të gjithë territorin (VIDEO)
10 Dhjetor, 17:34
Dhe duhej të çonim ata pak zjarrfikësit që kemi në Greqi. Kjo është ajo që thonë "i ha kurrizi"
PërgjigjuOperatori celular ONE ka nderprere sherbimin per klientet e vet. Ju lutem bejeni lajm se ndryshe nuk reagojne ata
PërgjigjuEdhe une kam pasur probleme sot me One.