VIDEO/ Volkswagen përplaset me kamionin, vdes pasagjeri 80 vjeçar, plagosen rëndë shoferi dhe 2 të tjerë

Tirane-  Një i vdekur dhe tre të plagosur është bilanci i aksidentit të rëndë të ndodhur rreth orës 12:30 në aksin rrugor “Lezhë-Milot”, pranë Fushë-Miloti.

Automjeti tip “Volkswagen”, me drejtues shtetasin Zija Cufaj rreth 70 vjeç, u përplas  me kamionin me drejtues shtetasin K. J.

Report Tv mëson se ka humbur jetën Isa Docaj, 80 vjeç i cili ka qenë pasagjer në Volkswagen së bashku me 2 të tjerë. 

Njëri prej të plagosurve mbeti i bllokuar për rreth 30 minuta për shkak të dëmtimeve të shumta që kishte pësuar makina.Për nxjerrjen e tij ndërhynë forcat zjarrfikëse dhe bashkë me tre përsonat e tjere që mbeten të plagosur u dërguan me urgjence për ndihmë mjekësore në Spitalin e Traumës në Tiranë.

"Reth orës 12:30, në aksin rrugor “Lezhë-Milot”, janë përplasur automjeti tip “Volkswagen”, me drejtues shtetasin Z. C., rreth 70 vjeç, me kamionin me drejtues shtetasin K. J.  Nga përplasja janë dëmtuar shtetasi Z. C. dhe 3 pasagjerët në automjetin që drejtonte ai. Njëri nga pasagjerët, shtetasi I. D., 80 vjeç, ka humbur jetën gjatë transportimit në spital, ndërsa 3 të dëmtuarit e tjerë janë në kujdesin e mjekëve" informoi sot policia. 

Grupi i posaçëm hetimor po punon në vendngjarje për të zbardhur rrethanat e aksidentit.

M.Q./S.G/Shqiptarja.com

TAG:
• Lezhe
• Laçi
• aksident rrugor