POP 5

Lajmet më të lexuara të 5 minutave të fundit

Kronikë

Përplasi për vdekje 57-vjeçarin për shkak të hakmarrjes, gjykata vendos arrest me burg për Myslim Istrefin

Gjykata lë në arrest me burg Myslim Istrefin. Vrau me makinë Shaqir Estrefin në Romanat të Durrësit.

Përplasi për vdekje 57-vjeçarin për shkak të hakmarrjes, gjykata vendos arrest me burg për Myslim Istrefin

Viktima, Shaqir Estrefi

Gjykata e Durrësit ka dhënë masën e sigurisë "arrest me burg" për Myslim Istrefin, i cili vrau me makinë Shaqir Estrefin në Romanat të Durrësit. Babai i këtij të fundit ka vrarë babain e Myslimit 14 vite më parë.

Prokurorja Anila Bebeçi ka kërkuar arrest me burg për Myslimin gjë që është pranuar nga gjyqtarja e seancës Besjana Garxenaj.

Ndërkohë mësohet se ai nuk e ka pranuar akuzën e aksidentit të qëllimshëm duke pretenduar një aksident për shkak të konsumit të një sasie pije alkolike.

Sipas dosjes së Prokurorisë së Durrësit, 57-vjeçari Shaqir Estrefi, baba i katër fëmijëve, kishte vetëm tre ditë që ishte kthyer nga Italia në Shqipëri.

Në Itali ai qëndronte si emigrant sezonal. Por prania e tij tre ditore në fshatin Romanat të Durrësit, i ka bërë përshtypje Myslym Istrefit, i cili ka filluar të verë në zbatim një plan për vrasjen e hasmit të tij. Ai ka vendosur të përdorë makinën e tij tip “Fiat Uno”, me qëllim godtjen e babait të 4 fëmijëve.

Para sulmit me makinë, thuhet në dosjen e prokurorisë, Myslym Istrefi është ulur në një lokal dhe ka konsumuar alkool. Ai është dehuar dhe gjatë kësaj kohe ka mbajtur në vëzhgim lëvizjet e Shaqir Estrefit.

Sapo ky i fundit është drejtuar në rrugë për të shkuar në banesë, prapa tij ka shkuar me makinën tip “Fiat Uno” Myslym Istrefi, i cili e ka goditur me shpejtësi duke e lënë të vdekur në vend Shaqirin.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Berat: 13/10/2020 15:27

    Nuk e kuptoj Pse thoni babai 4 femijve e nuk thoni vrasesin e e babait te myslymit 14 vite me par, Qe ne ate koh dhe babai myslymit ka pas fmi apo iku vdiq ai tani e nderojm me ceremoni,Vrave do te vrasin gjaku sbehet uje

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

'25 prilli, ditë e zezë në historinë e demokracisë së Shqipërisë'

'25 prilli, ditë e zezë në historinë e demokracisë së Shqipërisë'

25 Prill, 13:10 nga Namir Lapardhaja