Vijojnë replikat Demalia-Spaho, ndërhyn edhe bashkëshortja e deputetit! Analisti: Çfarë mund të presësh nga një Palluqe që nxjerr gruan në një përplasje

Vijojnë sërish replikat në distancë mes analistit Ilir Demalia dhe deputetit Edmond Spaho, pasi ky i fundit sulmoi analistin Demalia pas një debati me zëdhënësin e kryebashkiakut në detyrë, Fredi Beleri në emisionin Studio Live në Report Tv. Ishte Spaho, i cili e sulmoi i pari Demalinë me fjalor të papërshtatshëm.

Mirëpo, kësaj herë në replikë është përfshirë bashkëshortja e deputetit, e cila në një postim në Facebook e Spaho-s, lë një shënim për analistin Demalia. Sërish, replikat mes tyre shkojnë deri në detaje nga jeta personale, të shkuarën e familjes tyre në kohën e komunizmit.

Bashkëshortja e Spahos, komenton deklaratën që bëri një ditë më parë analisti duke thënë se Spaho, ka prona në Korçë dhe Pogradec, madje Demalia shkoi edhe më tej duke thënë se Spaho takohet aty me një mësuese nga Maliqi.

Ajo shkruan se këto janë shpifje të ulëta, por i dha një ‘shans’ demalisë që të gjente pronat e Saphos në Pogradec e në Korçë, e më pas të diskutojnë për mësuesen E.  

“Mirëmbrëma Ilir Demalia! Bashkë nuk njihemi. Në fakt të kam parë që del në TV. Unë jam mjeke dhe rrallë përzihem me politikën. Lexova nxitimthi ç'kishe shkruar për bashkëshortin tim, Edmond Spaho, ashtu rrëmujshëm, dhe ne fund erdhi surpriza. Mu duke ekzakt si skenarët e filmave dhe librave të kohës së komunizmit, ku spiuni i lagjes të bënte imoral, me shkelje të rënda të sjelljes etj. se kështu e donte partia.

E kam jetuar atë kohë, madje kam qenë e transferuar në rrethe. Familja ime ka qenë e kontrolluar dhe e survejuar nga sigurimi. Fatkeqësisht, për rregullat e komunizmit, ne ishim familje me nënë të huaj, bullgare. Nëna ime nuk i pa kurrë të afërmit e saj derisa vdiq. Kjo na e ka shtuar urrejtjen për sigurimin dhe komunizmin. Ne si familje kemi vuajtur kaq shumë sa kurrë nuk do na shuhet urrejtja për ju. Halla ime u vra në luftë për çlirimin e Shqipërisë, vajze naive, 18-vjeçare por ju na luftuat si të ishim kriminele.

Nuk më shqetësove fare me lajmin që më dhe. E di pse? Sepse aq vite jetë, vështirësi qe kemi kaluar bashkë me Edmondin, nuk i çbëjnë shumë burra bashkë. Të bësh shpifje aq të ulëta, në këtë nivel, i bënin vetëm spiunet që ndanin familje te tera ne kohen e komunizmit. Po ti mendon se po të kishte një gram të vërtetë do ta gjeje ti nga Amerika? E di çfarë? Po të jap një shans. Me gjej në fillim ato pronat që paskemi në Pogradec e në Korçë, pastaj flasim për E-në.

Dhe një fjale për ju komentuesit histerike që fërkuat duart. Në këtë histori vlen proverbi popullor "një budalla hedh një gur në lume, e 100 të mençur se nxjerrin dot". Ah më falni që s'u prezantova. Jam bashkëshortja e Edmond Spahos”, shkruan ajo në Facebook-un e Spahos.

Replika nuk mungoi nga Demalia, i cili thotë se nuk merret me pronat e tyre të fshehura, por këtë punë duhet ta bëjë drejtësia, që sipas tij nuk ekziston. E madje thotë, që Spahoi bie bilbilit sa herë ja kërkon Berisha sepse e ka ndonjë hall.

Postimi i plotë i Demalisë

Qenka përgjigjur gruaja Palluqe Bilbil Spahos! Çfarë mund të presësh nga një Palluqe që nxjerr para gruan në një përplasje.

1. Doktoresha që paska qenë e “persekutuar” paska shkuar në shkollë të lartë për mjekësi dhe qenka emëruar psikiatre në Tiranë?!! Unë i privilegjuari i regjimit shkoja në Gurore, Xhenjo ushtarë dhe në hapje tokash bujqësore e llaç e tulla në ndërtim, kështu nëna dhe vëllai im kur im atë ishte ne burg për Agjitacion e Propagandë. Në këtë kohë të persekutuarit Palluqe dhe gruaja e tij ngjisnin shkallët e Universitetit në Tiranë në fakultetin e ekonomisë dhe mjekësisë.  A kanë një raport me veten këta për ç’ka thonë?! I besojnë dhe janë delusional apo janë kaq rëndë sa gënjejnë dhe veten e tyre.

2. Kjo grua më drejtohet mua: “Ne si familje kemi vuajtur kaq shumë sa kurrë nuk do na shuhet urrejtja për ju.” Çfarë ti përgjigjesh kësaj psikiatre që së pari duhet të bëjë vetëterapi për ç’ka beson apo gënjen. “Urrejtja për Ju!” Më drejtohet në vetën e tretë duke më identifikuar mua me regjimin komunist qe kanë “persekutuar” këtë dhe Palluqen të shoqin(?!!)Kjo psikiatre dhe grua(?!!Me këta duhet të qeshësh si në përrallën e xhumxhuxhave me xhuxhmaxhuxhët e demo(n)kracisë shqiptare Liri-Demokraci pordhi plaka  në mulli.

3. Për punën e spiunit u bëtë bajat. Im atë i ndjekur me 2A që në 1971, i arrestuar për agjitacion e propagandë dhe dënuar në baze të nenit 55 të kodit penal të komunizmit me 4 vjet burg si i “privilegjuar” i regjimit, hapur dosje 2A për babë e bir në ndjekje të rregullt për veprimtari armiqësore nga shtatori 1984 deri në prill 1991 si të “privilegjuar” të regjimit, unë i larguar nga Shqipëria në korrik 1990, dhe nuk po zgjatem me intervistat dhe shkrimet kur ju rrinit si kukuth me Palluqen, më bëni mua moral?!!

Zonjë, politika dhe mjekësia janë dy institucionet më të korruptuara dhe në gjendjen më të mjerë. Në spitalet shqiptare fillonte pagesa për fakirët hallexhi që nga roja derës dhe duke ngjitur për tek doktori nuk pushonte dora fakirit hallexhi duke rritur shumën e pagesës. Kjo ndodhte kur president dhe kryeministër ishte një mjek. Ai për të cilin burri juaj i cili nxjerr gruan para në përplasje burrash (nuk di sa burrë është Palluqja) i fryn bilbilit për atë sa i fryhet fytyra si calik.

Përsa i përket të gjej pronat tuaja të fshehura me emra familjarësh le të merret drejtësia që nuk ekziston. Kështu thotë dhe Saliu i dizenjuar për korrupsion të lartë nga SHBA që Palluqja yt nuk pushon duke I rënë bilbilit për atë një hall e ka, dhe të gjithë politikanët dje dhe sot gjatë këtij 30 vjeçari, kështu thonë çojini në SPAK se SPAK është një m… I ndarë përgjysmë me këta.

4. E fundit dhe me fund, ishte burri juaj zonjë që u mor me mua dhe familjen time, me një gjuhë ordinere rrugaçi, pa I pasur asnjë hak, pa i përmendur emrin kurrë se e kam parë gjithmonë si bilbil, një send pa vlerë. Kalofshi një ditë të paqtë me refleksion selfterapi, pa urrejtje se çtë mbjellësh do korrësh.

SI.E./r.k./Shqiptarja.com

TAG:
• edmond spaho
• ilir demalia