POP 5

Lajmet më të lexuara të 5 minutave të fundit

Bota

‘Përplasja’ e parë pas tensionit që prodhoi BREXIT! BE bllokon marrëveshjen e Britanisë dhe Francës për kthimin e emigrantëve që kalojnë përmes kanalit ‘La Mansh’

Bashkimi Europian bllokoi marrëveshjen mes Britanisë dhe Francës, e cila parashikonte kthimin e emigrantëve ilegalë që kalonin nëpërmjet kanalit të “La Manshit”. Ky akt, shënon ‘përplasja’ e parë mes vendeve që nga koha e tensionit që prodhoi Brexit.

Tensionet mes Bashkimit Europian dhe Britanisë së Madhe duket se janë kthyer sërish. Vendimi Brukseli për të bllokuar një marrëveshje, e cila do të lejonte Londrën zyrtare të kthente pas në Francë, azilkërkuesit që kalojnë kanalin e “La Manshit”, ka krijuar sërish një situate mes vendeve, tension i cili ishte sheshuar që nga koha e Brexit.

Daily Mail shkruan refuzimi erdhi nga një prej ndihmësve më të besuar të presidentes së Komisionit Evropian, Ursula von der Leyen. Politikani gjerman Bjoern Siebert u tha zyrtarëve të lartë britanikë se blloku do të refuzojë të marrë në konsideratë nënshkrimin e një ‘marrëveshjeje kthimi’ pas Brexit.

Siebert, kreu i kabinetit të von der Leyen, e refuzoi ën mënyrë kategorike këtë ide ballë për ballë këshilltarit të Sigurisë Kombëtare, Sir Tim Barrow, në një takim të zhvilluar në fillim të këtij  viti.

Media Britanike, Daily Mail ka publikuar një memo të brendshme të qeverisë britanike që përshkruan rezultatin e takimit midis Sir Tim dhe Siebert, ku britaniku thotë për zyrtarin e BE-së: “Ai theksoi se Komisioni nuk është i hapur për një marrëveshje ripranimi MB-BE“.

Por, Brukseli kundërshtoi versionin e ngjarjeve të përcaktuara në memorandumin e zbuluar nga media britanike.

“Siebert nuk tha kurrë atë që pretendohet“, tha një zëdhënës i Komisionit Europian.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Kryeministri Rama viziton Romën të hënën për prezantimin e ‘Giro d'Italia’! Nuk ka konfirmim për takim me Melonin

Kryeministri Rama viziton Romën të hënën për prezantimin e ‘Giro d'Italia’! Nuk ka konfirmim për takim me Melonin

10 Janar, 22:02