POP 5

Lajmet më të lexuara të 5 minutave të fundit

Opinion

Përse kamikazi i Albin Kurtit që fyen Shqipërinë po vjen ambasador i Kosovës në Tiranë ?

Me sulmet e tij mbi Shqipërinë, Zeqiraj në fakt i ka shërbyer një sulmi politik kundër shqiptarëve, i ushqyer në mënyrë të pandershme e dinake nga Albin Kurti. Por ajo që sot mbetet hipokrite dhe e pamoralshme nga ana e qeverisë Kurti në raport me shqiptarët është se si një ushtar politik i tij, zgjidhet të jetë shërbëtor publik i administratës së Kosovës.

Përse kamikazi i Albin Kurtit që fyen Shqipërinë po vjen ambasador i Kosovës në Tiranë ?

Idriz Zeqiraj

Idriz Zeqiraj është përzgjedhur nga qeveria e Albin Kurtit për të qënë Ambasadori i Kosovës në Shqipëri, ama ajo që e lidh këtë personazh me shtetin shqiptar, me sa duket nuk është dashuria vëllazërore, por një urrejtje politike e pazakontë ndaj shqiptarëve dhe kryeministrit Edi Rama në veçanti. Në shkrimet e shumta të tij, Shqipëria, vendi ku ai pritet të shërbejë si diplomat, konsiderohet shtet bashkëpunëtor i kriminelëve serbë në kurriz të Kosovës. “E gjithë kjo kronologji e zezë, tejet domethënëse, të goditjeve, në vijimësi, të dhënë Kosovës, nga shteti amë, së fundi, na japin produktin – monstrumin Rama, për t`u mos u ndërprerë tradita e bashkëpunimit me shtetin armik, Serbinë, gjithnjë, në dëm të Kosovës”, deklaron Zeqiraj në media.

Madje Zeqiraj, teksa komenton nismën Ballkani i Hapur, del në përfundimin se kjo nismë e integrimit ekonomik rajonal i shërben fuqizimit të Presidentit Serb Aleksandër Vucic me ndihmën e Edi Ramës. Idrizaj i cili sulmon Shqipërinë me një mllef të papërmbajtshëm, pasi akuzon Shqipërinë për plane të errëta ndaj Kosovës, bën edhe ekspertin e punëve të brendshme të shtetit shqiptar duke përdorur epitete fyese mbi kryeministrin  Rama.“Kryeministri Rama, është i paparashikueshëm në shumë veprime të tij. I guximshëm ka qenë në shkatërrimin e tërësishëm të procesit zgjedhor të sivjem, për ta grabitur, paligjshëm dhe turpshëm, mandatin e tretë skandaloz dhe hiç meritor. Projekti Rama-Vuçiq, për “Ballkanin e hapur”, i refuzuar dhe i anatemuar, nga shumica absolute e shqiptarëve, ka pykuar marrëdhënie normale Kosovë-Shqipëri”, shkruan ai.

Pra është e qartë se me sulmet e tij mbi Shqipërinë, Zeqiraj në fakt i ka shërbyer një sulmi politik kundër shqiptarëve, i ushqyer në mënyrë të pandershme e dinake nga Albin Kurti. Por ajo që sot mbetet hipokrite dhe e pamoralshme nga ana e qeverisë Kurti në raport me shqiptarët është se si një ushtar politik i tij, zgjidhet të jetë shërbëtor publik i administratës së Kosovës. E për më tepër, se si një komentatori politik të reshtuar anshëm në debate përçarëse, sikurse Zeqiraj, i lihen në dorë marrëdhëniet me shtetin më pranë Kosovës, Shqipërinë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Diplomat non grata: 01/09/2021 14:33

    Presidenti nuk duhet te pranoje kredencialet e ketoj ambasadori percares!

    Përgjigju
  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Konfrontim fizik te “Zogu i Zi”, Bylykbashi pengon arrestimin në flagrancë të një protestuesi: Mos prekni njeri, të bëjë kallëzim! Kur të merrem unë me ju, s'ju ikën shejtani, kaq po them

Konfrontim fizik te “Zogu i Zi”, Bylykbashi pengon arrestimin në flagrancë të një protestuesi: Mos prekni njeri, të bëjë kallëzim! Kur të merrem unë me ju, s'ju ikën shejtani, kaq po them

26 Nëntor, 17:23