Receta

Përshesh me gjizë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 19 Shtator, 12:07 | Përditesimi: 19 Shtator, 12:09

Përshesh me gjizë

Përbërësit:

250 gr gjizë me kripë
1 lugë supe gjalpë
3-4 lugë supe vaj ulliri
600 ml ujë të ngrohtë
1 ls salcë domate ose piper i kuq
Kripë, piper i zi
Arrë moskat
Bukë e tharë/ thekur

Përgatitja:

LEXO EDHE:
Pulë e mbushur nga zonja Albana

Në tenxhere hedhim gjalpin, shtojmë piperin e kuq ose salcën e domates, e kaurdisim pak dhe pastaj hedhim gjizën (preferohet të jetë gjizë e ashpër). E përziejmë mirë, shtojmë piperin e zi, arrën moskat dhe pastaj shtojmë ujin e ngrohtë. Gjatë përzierjes na formohet një lëng shumë i shijshëm. E provojmë për kripën dhe kur lëngu ka marrë valë e heqim nga zjarri. Nëse dëshirojmë, mund t'i hedhim pak piper djegës. Ndërkohë, përgatisim përsheshin nëpër pjata. Ia hedhim lëngun përsipër me garuzhde dhe e lëmë pak sa të zbutet buka. Buka duhet të jetë kore, e ftohtë ose e thatë. Sipër mund t'i hedhim pak vaj ulliri.