Përshtatën stallën si 'shtëpi bari' për të kultivuar kabanis me llamba, arrestohen babë e bir në Krujë! Sekuestrohen rreth 53 mijë euro

Babë e bir janë arrestuar në Krujë pasi kishin krijuar 'shtëpi bari' për të kultivuar kanabis. Ata kishin përshtatur stallën e tyre në fshatin Derven kishin kultivuar 316 vazo me kanabis për t'i rritur përmes llambave.

Në pranga përfunduan Llesh Luka, 57 vjeç dhe Ernest Luka, 24 vjeç, babë e bir, banues në fshatin Derven.

Gjatë aksionit policia sekuestroi 316 vazo në të cilat ishin të kultivuar fidanë të dyshuar kanabis sativa, pajisje elektrike dhe aksesorë të tjerë që shërbenin për kultivimin e kanabisit me ngrohje, me anë të llambave.

Gjithashtu sekuestrohen shuma të konsiderueshme parash, 1.822.000 lekë dhe 37.000 euro, të dyshuara si të përfituara nga veprimtaria kriminale e kultivimit dhe trafikimit të lëndëve narkotike.

Materialet i kaluan Prokurorisë së Rrethit Gjyqësor Krujë, për hetime të mëtejshme, për veprat penale “Kultivimi i bimëve narkotike”  kryer në bashkëpunim dhe  “Vjedhja e energjisë elektrike”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Forcohet leku, monedhat e huaja sërish në rënie! Ja sa këmbehen sot

Forcohet leku, monedhat e huaja sërish në rënie! Ja sa këmbehen sot