Personi që hyri me forcë në vitin 2022 në shtëpinë e ish kryetares së Dhomës së Përfaqësuesve të Shteteve të Bashkuara, Nancy Pelosi dhe sulmoi me çekiç bashkëshortin e saj u dënua të premten me 30 vjet burg.
Gjykatësja Jacqueline Scott Corley dha dënimin për 44 vjeçarin David DePape i cili nëntorin e kaluar u gjet fajtor për përpjekje për të rrëmbyer një zyrtar federal dhe sulm ndaj një anëtari të familjes të një zyrtari federal. Prokuroria kishte kërkuar 40 vjet burgim.
De Pope qëndroi i heshtur ndërsa gjykatësja lexoi vendimin e dënimit dhe herë pas here ulte sytë.
Në një sulm të motivuar politikisht, David DePape hyri me force në shtëpinë e zonjës Pelosi në San Francisko në 28 tetor të 2022, një javë para zgjedhjeve të atij viti për Kongresin. Në kohën e sulmit, zonja Pelosi gjendej në Uashington.
De Pape, pranoi gjatë gjyqit se qëllimi i tij ishte të merrte peng zonjën Pelosi, e cila atëherë ishte kryetare e Dhomës së Përfaqësuesve, zyrtarja e dytë më e lartë në radhë për presidencën e Shteteve të Bashkuara.
44 vjeçari e goditi Paul Pelosin me çeçik në kokë përpara se policia të mbërrinte në vendngjarje dhe ta neutralizonte atë.
Paul Pelosi, 82 vjeç pësoi frakturë në kafkë dhe lëndime të tjera që i kanë lënë pasoja, siç shprehej ai në një letër dërguar gjykatëses përpara vendimit të së premtes. Zoti Pelosi tha se vazhdon të ketë marrje mendsh, probleme me ekuilibrin dhe ka dëmtime të fijeve nervore në dorën e majtë.
Në një tjetër letër, zonja Nancy Pelosi, një demokrate e cila është gruaja e parë që ka mbajtur detyrën e kryetares së Dhomës së Përfaqësuesve, iu lut gjykatëses që të jepte dënimin “më të gjatë”.
DePape përballet ende me akuza të veçanta shtetërore që rrjedhin nga sulmi ndaj zotit Pelosi, duke përfshirë tentativën për vrasje, vepër penale që mund të dënohet nga 13 vjet burg deri në burg të përjetshëm. Ai është deklaruar i pafajshëm.
Ai hyri në Shtetet e Bashkuara si vizitor i përkohshëm në mars 2008 në pikën kufitare San Ysidro, mes Shteteve të Bashkuara dhe Meksikës./ VOA
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45
