Më në fund sportistët e KS Tirana kanë mundësinë të stërviten në një sallë bashkëkohore dhe me standarde të larta. Kryetari i Bashkisë së Tiranës, Erion Veliaj, përkrah emrave të mëdhenj të sportit që na dhuruan të tjera medalje vitin e shkuar, si: Briken Çalja, Izmir Smalaj e Alban Beqiri, si dhe ikona dhe figura të Sport Klub Tirana ndër vite, inauguruan sot ambientet e reja të Pallatit të Sportit të lojërave me dorë “Farie Hoti”.
Veliaj u shpreh se për Tiranën, kjo është një ëndërr e kthyer në realitet: “A është i vërtetë ky transformim? A është i vërtetë ky investim kaq cilësor për klubin më prestigjioz të Republikës së Shqipërisë, i denjë sa rreshti i kupave dhe i medaljeve? Më në fund mund të themi Po. Unë besoj se edhe fryma e këtij klubi, e këtyre skuadrave, është inkurajimi, tw jemi mbështetës dhe motivues. T’i themi njëri – tjetrit: “Faleminderit”! “Jam krenar për ty!”, tha Veliaj.
Kryebashkiaku u shpreh mirënjohës ndaj sportistëve elitarë të Tiranës. “Ne vërtet jemi ndoshta një vend modest, ndoshta nuk jemi qyteti më i madh në botë, por fakti që sot kemi 3 kampionë: Izmirin, kampion të Ballkanit në kërcim së gjati, Albanin, kampion të Ballkanit në boks dhe Brikenin, kampion bote në peshëngritje, do të thotë që me punë ne mund të arrijmë gjithçka dhe në fakt ky është vetëm fillimi,” deklaroi ai.
Kreu i Bashkisë dha edhe një tjetër lajm fantastik sa i përket sportit të notit: “Në janar klubi i Tiranës do të marrë edhe pishinat tek Liqeni, të cilat pas 20 viteve që kanë qenë në administrim privat do t’i rikthehen klubit të notit të Tiranës dhe Federata Shqiptare e Notit do të ketë më në fund pishinat e veta olimpike, që ashtu siç kishim disa kohë të lavdishme për notin shqiptar kur merrte medalje, do të kemi mundësinë të rikthejmë atë kohë,” tha Veliaj.
Ai shtoi gjithashtu se, për herë të parë, Tirana do të ketë dhe sportin e Padelit. “Ne jo vetëm do të rikuperojmë hapësirat e humbura, siç është hapësira e pishinave të notit, por do të jetë Tirana e para që fut sportin e Padelit në morinë e federatave që ka brenda shtëpisë së vet bardh e blu”, u shpreh Veliaj.
Në këtë sallë, që mban dhe emrin e një prej ikonave të volejbollit të Tiranës, janë mbajtur kampionate dhe aktivitete sportive të ndryshme si në boks, judo, taekwondo, mundje etj., të cilat tashmë do të zhvillohen në kushte bashkëkohore dhe moderne.
“Unë e di që do kemi beteja të jashtëzakonshme, por ajo që do të doja është që ne jo vetëm të njihemi për kupa dhe medalje, por edhe për zemrën e mirë dhe të madhe të Tiranës. Ndaj dhe do të doja që të falënderoja të gjithë ata që i janë bashkuar në këto vitet e fundit Tiranës nga çdo cep i Shqipërisë, sepse unë besoj se nuk është pa arsye fakti që shumica e ekipit olimpik të Republikës së Shqipërisë, vjen nga Sport Klub Tirana, që është zemra e vendit,” tha kreu i Bashkisë.
Për të gjithë ata që veshin uniformën bardh e blu të Sport Klub Tiranës, Veliaj shprehu një mirënjohje të jashtëzakonshme. “Gjatë vitit të kaluar ne dhamë 150 milionë lekë, ndoshta bonusi më i madh që është dhënë ndonjëherë për një ekip futbolli për të inkurajuar jo ekipin e Tiranës, por cilindo që sjell një trofe për qytetin dhe kryeqytetin e Tiranës. Këtë vit, në Kryeqytetin Europian të Rinisë, ku tashmë e kemi vendosur një buxhet dhe sigurisht që do të sigurohemi që do shpërblejmë çdo skuadër, jo vetëm futbollin, që tashmë e kemi ndërtuar si traditë, por edhe volejbollin, basketbollin, mundjen, taekwondo, judo, kujtdo që sjell një medalje për kryeqytetin tonë,” e mbylli fjalën e tij kryetari i Bashkisë së Tiranës.
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
