Receta

Përvëlak i ardhur me djathë të thërrmuar nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 5 Dhjetor 2023, 11:54 | Përditesimi: 5 Dhjetor 2023, 11:56

Përvëlak i ardhur me djathë të thërrmuar

Përbërësit:

3-4 gota miell
1/2 lgj maja
1 kokërr vezë
1 filxhan qumësht
2 lgj gjalpë
Pak kripë
Djathë i thërrmuar

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Nga sasia e miellit marrim më pak se gjysma (rreth 40%) dhe zëmë brumin me maja, ujë e kripë, duke e bërë brumin pak më të fortë se ai i petullave. E lëmë në një vend të ngrohtë që të vijë. Në pjesën tjetër të miellit hapim një gropë në mes, hedhim majanë e ardhur, vezën, kripën, pak gjalpë, qumësht dhe zëmë brumin e butë të byrekut. E lëmë përsëri në vend të ngrohtë që të vijë. Më pas brumin e ndajmë në 2 pjesë, gjysmën e shtrojmë në petë në tavë të lyer me lyrë, vendosim një shtresë me djathë të thërrmuar dhe sipër hedhim pjesën tjetër të brumit duke e bërë në formë cilindrike si petës rripa-rripa dhe duke filluar nga mesi e vendosim në formë rrumbullake për të mbuluar mbushjen. E mbulojmë me një pecetë, e lëmë pak të qëndrojë dhe më pas e vendosim të piqet në furrë të parangrohur.

MC/Shqiptarja.com

TAG: