Receta

Përvlak me djathë dhe hudhër nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 9 Janar, 12:22 | Përditesimi: 9 Janar, 12:24

Përvlak me djathë dhe hudhër

Përbërësit:

3 gota e gjysëm miell
2 gota ujë
1 e ½ lgj gjalpë
1 thelpi hudhër
Kripë, piper i zi
Për mbushje;
Djathë i bardhë ose gjizë
Hudhër

Përgatitja:

LEXO EDHE:
Pulë me oriz në furrë nga zonja Albana

Në një tenxhere shtojmë ujin, hudhrat dhe kripën. Presim të vlojë uji rreth 8 minuta, largojmë hudhrat, fikim sobën dhe shtojmë miellin. E përziejmë mirë me lugë druri, më pas e shtrojmë në tryezë duke e punuar me duar. Kur e shohim që brumi është punuar mirë e ndajmë në kuleçë. Lyejmë tepsinë me gjalpë dhe hapim kulaçkat në formë pite pak më të trashë se krepat. Në çdo shtresë të piteve që do të hapim vendosim djathë të bardhë të thërrmuar, gjalpë të tretur dhe hudhra sipas dëshirës. Në fund bëjmë një prerje në formë bakllavaje, e spërkasim me gjalpë dhe e vendosim në furrë në temperaturën 180 gradë Celsius për 45 minuta.

MC/Shqiptarja.com

TAG: