Pas përplasjeve me militantët e Partisë Demokratike, të cilët i larguan nga protesta, të rinjtë vijuan tubimin para Ministrisë së Arsimit, që përshkallëzoi sërish në dhunë. Protestues të maskuar sulmuan me gurë e molotovë efektivët e policisë, ndërsa këta të fundit u përgjigjën me gaz lotsjellës dhe ujë me presion.
Molotovët shpërthyen në këmbët e efektivëve dhe poshtë autobotit të ujit. Një grup protestuesish, të pajisur me çadra e mushama, vazhduan të hidhnin molotovë drejt policisë, ndërsa të tjerë nisën të largoheshin nga Ministria e Arsimit dhe marshuan te Kryeministria.
Lajmi në përditësim....
Protestuesit janë larguar nga Ministria e Arsimit dhe ndërsa reshjet e shiut vijojnë, po marshojnë me çadra drejt kryeministrisë.
Ndërhyrja e policisë me ujë, pasuar edhe nga shiu, po shpërndajnë protestuesit. Një pjesë e mirë prej tyre janë pajisur me çadra e mushama, por ata po lëvizin drejt hyrjes së “Rrugës së Durrësit.”
Disa prej tyre janë strehuar jashtë bizneseve, të cilat janë të mbyllura.
Molotovët e protestuesve po shënjestrojnë policinë, ku disa prej tyre kanë përfunduar në këmbët e efektivëve. Fatmirësisht, këto incidente kanë kaluar pa lëndime.
Protestuesit kanë nisur sulmet me molotovë te Ministria e Arsimit, ku disa prej tyre kanë përfunduar poshtë autobotit të ujë duke shkaktuar shpërthim e flakë.
Protesta para Ministrisë së Arsimit është përshkallëzuar sërish në dhunë, pasi protestuesit e maskuar kanë sulmuar me gurë e molotovë efektivët e policisë. Për t'i shpërndarë dhe për të ndalur sulmet, Policia ka ndërhyrë me ujë me presion.
Një protestues ka shfaqur kreativitet me maskimin e tij që në vend të kapuçëve të zinj apo syzeve, të përdorë maskën e një kllouni të frikshëm. Më pas, imiton edhe një të qeshur djallëzore.
Maskimi i tij i përshtatet edhe festës së Halloween-it sot.
Të maskuarit kanë shkulur pllakat e trotuarit para Ministrisë së Arsimit.
Ata kanë sulmuar edhe blutë me gurë, teksa kanë qëlluar edhe drejt institucionit.
Mes sulmeve me gurë të protestuesve të maskuar ndaj policisë dhe zjarreve në koshat e mbeturinave, policia ka nisur të ndërhyjë me hedhjen e ujit. Një autobot është afruar dhe po hedh ujë për të fikur flakët në kazanët e mbeturinave.
“Polici e krimit”, dëgjohen protestuesit në kor.
Pas djegieve të dy koshave të mbeturinave në mes të rrugës, protestuesit kanë hedhur molotov para Ministrisë së Arsimit.
Të maskuarit gjithashtu kanë gjuajtur me gurë drejt institucionit.
Protestuesit po ndezin tymuese blu e të kuqe, si dhe po djegin kartonë e dy kosha mbeturinash në rrugën para Ministrisë së Arsimit. Gjithashtu po hedhin edhe kapsollë.
Policia po bën thirrje që të distancohen nga aktet e dhunshme. “Mos bllokoni rrugën” dhe “mos ndizni zjarre”, thotë policia.
Në gatishmëri është edhe autoboti i ujit.
Lajme të tjera
-
‘Strukur’ në çadra, protestuesit marshojnë drejt kryeministrisë (VIDEO)
31 Tetor, 15:47 -
Shiu shpërndan protestuesit, bie pjesëmarrja (VIDEO)
31 Tetor, 15:34 -
Protesta te Ministria e Arsimit/ Molotovët shpërthejnë në këmbët e efektivëve (VIDEO)
31 Tetor, 15:30 -
Flakë nën autobotin e ujit, protestuesit hedhin molotovë (VIDEO)
31 Tetor, 15:26 -
Halloween dhe protestë, ‘kllouni’ djallëzor shfaqet në turmë (VIDEO)
31 Tetor, 15:22 -
U arrestuan gjatë protestës, Gjykata e Tiranës lë në detyrim paraqitjeje mbesën e Martin Camajt dhe 27-vjeçarin
31 Tetor, 15:03 -
'Maskat' në aksion, shkulin pllakat e trotuarit dhe sulmojnë policinë (VIDEO)
31 Tetor, 14:58 -
Protestuesit zjarr koshave të mbeturinave, policia hedh ujë (VIDEO)
31 Tetor, 14:54 -
Pas djegies së koshave, protestuesit hedhin molotov dhe gurë drejt Ministrisë së Arsimit (VIDEO)
31 Tetor, 14:39 -
Protesta te Ministria e Arsimit/ ‘Maskat’ shënjestrojnë policët, i gjuajnë me llastiqe (VIDEO)
31 Tetor, 14:29 -
Protestuesit ndezin tymuese, u vënë flakën koshave te Ministria e Arsimit! Policia thirrje: Mos bllokoni rrugën (VIDEO)
31 Tetor, 14:14 -
Protestuesja: Nëse dikush po tenton të prish këtë protestë ne i hedhim në kosh
31 Tetor, 14:10
Komente
Komento