Pesënjakët që vizitoi Meta në 2001
surprizë Monikës për ditëlindje

Lëvizja Rinore për Integrim është mbledhur sot në Pallatin e Sportit “Asllan Rusi” aktivitet ku s’ka munguar një surprizë e bukur për Monika Kryemadhin.

Gjatë aktivitetit është transmetuar videoja e vizitës së kreut të LSi në familjen e pesënjakëve në Peqin para 16 vieteve, kohë kur Meta ishte kryeministër.
 
Por pasi vidoja ka emocionuar të pranishmit dhe më tepër se askënd Metën, pesënjakët janë ngjitur në podium për t’i uruar ditëlindjen Monika Kryemadhit.
 
“Përshëndetje të gjithëve, unë quhem Griselda dhe ne jemi pesënjakët që dolëm në video. Sot kemi ardhur për të falënderuar Ilirin dhe Monikën për çdo gjë që kanë bërë për ne. Na qëndruat pranë si sot edhe para 16 viteve më parë. Jemi pjesë e LRI dhe këtu nuk ndodhemi rastësisht sepse sot duam t’i urojmë ditëlindjne një gruaje shumë madhështore, yllit tonë. Monika edhe 100”, është shprehur Griselda.
 
Më pas njëzëri të rinjtë e LSI përmes këngës “Shumë urime për ty”, i kanë uruar ditëlindjen deputetes ndërsa brohorisnin “ Mona, Mona je e jona”.
 
Kryemadhi është emocionuar nga kjo surprizë duke e konsideruar këtë moment që e la pa fjalë si një nga ditëlindjet më të bukura.
 
“Profesionin e kam llafazane, po tani s’kam asnjë fjalë ça të them. Një urim shumë i bukur. Një nga ditëlindjet e mia më të bukura edhe më të mëdha por sigurisht edhe detyrimi dhe angazhimi im do të jetë edhe më i madh, po lumturia më e madhe është kur shikoj ju. Griseldën takova para disa ditësh dhe më tha “më mban mend”, thashë jo se plakja bën të vetën dhe ajo më tregoi një fotografi bashkë me Borën që ishte 1 vjeç dhe Griselda bashkë me motrat dhe vëllezërit që ishin po një vjeç dhe ishin të 6 në prehër tim. Kam qarë shumë atë ditë Griselda, madje kur takova Endrit Braimllarin dhe po i tregoja ishte hera e parë që ai më pa duke qarë edhe ju tani për herë të dytë, Unë ju uroj jetë të lumtur. Detyra e politikanëve është që t’iu shërbejë qytetarëve dhe t;i dëgjojë ata. Ju uroj jetë të lumtur dhe kënaqësia dhe krenaria ime më e madhe është që ju jeni anëtarë të LSI por që mbi të gjitha doni vendin tuaj”, u shpreh Kryemadhi.

Redaksia Online
Al.N/Shqiptarja.com