POP 5

Lajmet më të lexuara të 5 minutave të fundit

Sociale

Rritja e çmimit/ Peshkatarët fikin anijet në Vlorë: Nafta 150 lekë për litër, prej një muaji s’dalim në det për të peshkuar

Për shkak të naftës së shtrenjtë peshkatarët e Vlorës nuk dalin për gjueti. Ky sektor ka pezulluar aktivitetin prej një muaji, ndërsa në treg është reflektuar rritja e çmimit të peshkut dhe produkteve të detit.

Në portin e peshkimit në Vlorë anijet e motobarkat kanë fikur motorët. Të paktë janë peshkatarët e kthyer nga gjuetia, shumica presin që të ulet çmimi i naftës.

"Nuk dal në det se s'më del llogaria. Me 150 lek për litër që është nafta mua më shkon 450 mijë lek naftë. Sa peshk do zë unë qe të nxjerr rrogën time apo të punëtorit?!", tha një peshkatar.

Ndërsa një grua shprehet: "Kam marrë një anije bashkë me burrin dhe nuk e kam vënë në punë se duhen paguar taksat, sigurime, ndërsa nafta është rritur".

Kjo është shoqëruar me rritjen e çmimit të peshkut dhe produkteve të detit në tregun e pakicës.

"Çmimet janë rritur, por s'e ngremë ne por ata të magazinave që e grumbullojnë peshkun", tha peshkatari.

Sektori i peshkimit përfiton karburant pa akcizë por sipas tyre kostoja është e papërballueshme, pasi nga 80 lek për litër tashmë nafta ka shkuar me 150 lek/litër. Një peshkarexhë harxhon deri në 300 litra për të dalë në lundrim.  Me 70 anije të regjistruara, Triporti ka dhe mjaft probleme në infrastrukturë.

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Pesë pyetje për 2025-ën

Pesë pyetje për 2025-ën

26 Dhjetor, 08:23