Kanë dalë si çdo ditë në lagunën e Patokut për të gjuajtur peshk, por gjuetia orët e para të mëngjesi të së martës kishte rezervuar një surprizë për peshkatarët e Patokut.

Në rrjetat e tyre, ka rënë një specie e rrallë, që as më pak e as më shumë është një peshkaqen, i cili peshonte rreth 100 kilogramë dhe ishte 3 metra i gjatë. 

“Trofeun” peshkatarët e kanë ekszpozuar në një lokal në Patok, ndërsa pritet të vijnë edhe studiues të fushës për të mësuar me shumë për këtë specie, që në habitatin e tij të bën t`ja “mbathësh vrapit” në det.

Mësohet se kjo gjallesë detare ishte prej kohësh në lagunwn e patokut dhe nuk ishte vënë re prej gazetareve, të cilët duhet thënë se kanë qenë seriozisht të rrezikuar.

Dy ditë më parë në lagunën e Patokut është organizuar një manifestim për ditën botërore të biodiversitetit.

peshkaqeni

Redaksia Online
(al.h/shqiptarja.com)