POP 5

Lajmet më të lexuara të 5 minutave të fundit

Receta

Petë me mish pule nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Petë të pjekura me mish pule

Përbërësit:

  • 300 gr petë
  • 2 vezë
  • 200 gr kos
  • 300 gr mish i bardhë pule
  • 100 ml qumësht
  • 100 gr djathë kaçkavall
  • Vaj ulliri
  • Kripë, erëza të thata

Përgatitja:

Fillimisht mishin e pulës e presim në fileto të holla dhe më pas e shtypim, hedhim pak kripë dhe shtojmë erëzat. Në një tigan me pak vaj skuqim mishin e pulës nga të dyja anët. Ndërkohë petët i zhysim në 1 litër ujë me pak erëza për rreth 30 sekonda sa të zbuten pak. Rrahim vezët bashkë me kosin dhe qumështin derisa të bëhet një masë homogjene.

Lyejmë me pak vaj një tepsi, vendosim një shtresë me petë, filetot e pulës dhe sipër kremin me kos dhe vezë. Vendosim sërish një shtresë petë dhe mish pule. E spërkasim me djathë kaçkavall të grirë në rende dhe e vendosim në furrë për pjekje në temperaturën 200 gradë për 30 minuta.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça