Receta

Petë të pjekura me kunguj dhe djathë nga Zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00.

Redaksia 21 Prill 2020, 10:06 | Përditesimi: 21 Prill 2020, 11:12

Petë të pjekura me kunguj dhe djathë

Përbërësit:

2-3 petë të pjekura

LEXO EDHE:
Tartë me mish pule dhe qepë të karamelizuara me kërpudha nga zonja Albana

3 kunguj jeshilë

150 gr djathë të bardhë

1/2 tufë majdanoz

1/2 tufë koper

5 kokrra vezë

250 ml qumësht

Kripë dhe piper i zi

3 lugë gjelle vaj ulliri

125 gr mozzarella

Përgatitja:

Fillimisht petët i copëtojmë në copëza 3-4 cm.

Kungullin e presim në feta të holla për së gjati, e më pas në copëza mesatare.

Djathin e thërrmojmë. Majdanozin dhe koperin e presim imët.

Në një tas të madh rrahim me tel dore vezët, shtojmë qumështin dhe vazhdojmë përzierjen. Rregullojmë shijen me kripë dhe piper të zi, shtojmë djathin dhe petët e copëtuara, i përziejmë petët që të përthithin qumështin, shtojmë kungujt dhe në fund shtojmë dhe majdanozin me koprën.

Në një tavë me diametër 25 cm vendosim letër pjekje e më pas shtojmë masën. E nivelojmë mirë atë, e mbulojmë me copa mozzarella dhe e vendosim në furrë, në temperaturë 180 gradë Celsius, për 30 minuta.

D.M./Shqiptarja.com

TAG: