Serbia kërcënon Kosovën: Shqyrtojmë dërgimin e 1000 forcave të sigurisë në Veri

Serbia kërcënon Kosovën: Shqyrtojmë dërgimin e 1000 forcave të sigurisë në Veri

Petar Petkoviç

Petar Petkoviç, shef i zyrës  për Kosovën në Qeverinë e Serbisë, ka deklaruar dje se shteti i tij do të shqyrtojë dërgimin e 1.000 forcave  të sigurisë në Kosovë.

Serbia vazhdon me kërcënime dhe shantazhe ndaj Kosovës dhe sigurisë në rajon. Kërcënimet kanë qenë kryesisht me deklarata politike e duke lobuar kundër njohjes së Kosovës si shtet i pavarur, por që nga dje Serbia ka kërcënuar edhe ushtarakisht.

Madje, ai ka deklaruar se veprimi do të merret në përputhje me Rezolutën 1244 të OKB-së, duke përmendur nenin 4 dhe nenin 6 të aneksit 2. Petkoviç,  i ka bërë këto komentet në kohën kur në pjesën veriore të vendit janë shtuar sulmet e grupeve kriminale ndaj institucioneve të Kosovës, si KQZ, Policia e Kosovës etj.

Ai ka deklaruar se dje rreth 300-350 forca policore janë futur në veri.

“Sipas njohurive tona, 300-350 policë të Kosovës me armë të gjatë dhe automjete të blinduara “pushtuan” veriun e Kosovës dhe bllokuan Mitrovicën e Kosovës. Arsyeja e inkursionit të policisë në veri të Kosovës është gjoja se shqiptarët që jetojnë aty kanë frikë nga çdo gjë që po ndodh. Po ashtu ju kujtoj se dy ditë më parë ka pasur një përballje mes Kurtit dhe qytetarëve të veriut për të detyruar mbajtjen e zgjedhjeve”, ka deklaruar ai.

Ndërsa në orët e vonshme të së premtes një patrullë e Policisë së Kosovës është sulmuar me armë zjarri në Zveçan. Si pasojë e incidentit, një polic është lënduar lehtë dhe janë shkaktuar dëme të konsiderueshme materiale në veturën e policisë.

 


Lajmi kryesor:

Persona të maskuar në veri të Kosovës plagosin një polic! Osmani: Vepër kriminale e Beogradit! Brnabiç: Do rikthejmë trupat serbe


F.D/K.T./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet