Receta

Petulla me maja nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 13 Janar, 11:13 | Përditesimi: 13 Janar, 11:51

Petulla me maja

Përbërësit:

2 gota miell
2 filxhanë çaji ujë
1 lugë kafeje kripë
1 lugë kafeje (10 g) maja birre
Vaj për skuqje
Sheqer pudër

Përgatitja:

LEXO EDHE:
Musaka me patate dhe presh nga zonja Albana

Në tenxhere hedhim ujë të vakët aq sa ta durojë dora, shtojmë kripë dhe tresim majanë, hedhim miellin e situr dhe e përziejmë duke përgatitur një brumë jo shumë të fortë dhe as të hollë. Sipër e mbulojmë me shtresë mielli dhe e lëmë të vijë në ambient të ngrohtë (brumi kuptohet që ka ardhur kur plasaritet në sipërfaqe, shkëputet nga anët e enës dhe rritet vëllimi). Më pas brumin e përziejmë dhe e lëmë të vijë përsëri. Gjatë ardhjes brumin e përziejmë 1-2 herë për të rritur sa më shumë vëllimin. Hedhim vajin në një tenxhere jo të thellë, ose tigan. Sapo të nxehet vaji, me gishta të lagura marrim brumin, e hapim në formë rrumbullake ose vezake dhe e hedhim në vaj të nxehtë. Skuqim petullat dhe i servirim pudrosur me sheqer pluhur.

MC//Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com