Petulla me raki dhe mjaltë

Përbërësit:

  • 2 filxhanë miell
  • 2 lugë gjelle raki
  • Hirrë (sa të marrë brumi)
  • Pak kripë
  • Pak sheqer
  • Vaj për skuqje

Përgatitja:

Në një tas hedhim miellin, kripën dhe sheqerin. Shtojmë rakinë dhe pak nga pak hirrën duke e përzier derisa të krijohet një brumë i butë për petulla. E lëmë brumin të pushojë rreth 10–15 minuta. Nxehim vajin në tigan. Marrim nga një lugë brumë dhe i skuqim petullat në vaj të nxehtë derisa të marrin ngjyrë të artë. I vendosim në letër kuzhine për të hequr vajin e tepërt. I shërbejmë me mjaltë sipër ose pak sheqer pluhur.