Receta

Petulla të fshira me gjizë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 10 Nëntor 2023, 11:31 | Përditesimi: 10 Nëntor 2023, 11:33

Petulla të fshira me gjizë

Përbërësit:

Për petullat:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

500 gr miell
3 kokrra vezë
10 gr kripë
100 ml qumësht
Ujë sa të marrë

Për mbushjen:

100 gr gjalpë
300 gr gjizë
100 ml vaj ulliri
3 thelpinj hudhër
Kripë

Përgatitja:

Në një enë vendosim miellin me vezët, hedhim qumështin ngadalë dhe e trazojmë. Më pas shtojmë ujë derisa të realizojmë një brumë të hollë si për krepa. Për një brumë pa kokrriza, mund t'a kalojmë në sitë. Lyejmë me letër kuzhinë një tigan për krepa me gjalpë të tretur. Përgatisim petullat duke hedhur brumin aq sa është sipërfaqja e tiganit. Pas çdo petulle, lyejmë tiganin me gjalpë.

Në një enë vendosim pak ujë me kripë dhe lagim të gjitha petullat, më pas I vendosim në një tepsi duke hedhur në çdo rresht gjizë të përzier me hudhër të shtypur dhe vaj ulliri. Pasi kemi mbaruar me vendosjen e petullave dhe mbushjen e tyre shtojmë sipër gjalpin e tretur. I vendosim petullat e fshira në furrë për 10 minuta.

MC/Shqiptarja.com

TAG: