POP 5

Lajmet më të lexuara të 5 minutave të fundit

Shëndeti

Bota

Pfizer: Deri në tetor do të dimë nëse vaksina anti-Covid funksionon...deri tani shanset janë 60%

Njoftimi i gjigantit farmaceutik: Deri tani ka 60% shans të jetë funksionale

Gjigandi farmaceutik ‘Pfizer’ ka deklaruar se deri në fund të tetorit do kemi informacion nëse vaksina Covid për të cilën ajo po punon do funksionojë apo jo.

Administratori i Përgjithshëm i kompanisë, Albert Bourla tha se deri tani ka 60% shans të jetë funksionale

Dhe nëse rezultatet janë pozitive, hedhja e vaksinës në treg vitin e ardhshëm do të varet nga sa kohë u duhet autoriteteve për ta miratuar atë.

Shpërndarja e vaksinës, përfundoi Albert Bourla, do të jetë problem për shkak të ndërlikimeve që lidhen me transportin e ilaçeve, por Pfizer - specifikoi ai - di si ta menaxhojë këtë operacion.

Gjermani “Biontech” dhe laboratori amerikan “Pfizer” kanë zhvilluar këtë projekt vaksine prej disa muaj, i cili hyri në fund të korrikut në një fazë provash klinike në shkallë të gjerë. Në fillim të korrikut, ata raportuan rezultate paraprake pozitive, pasi e kishin testuar vaksinën në 45 persona.

SHBA-ja njoftoi më 22 korrik pagesën prej 1,95 miliardë dollarë për të marrë 100 milionë doza të vaksinës potenciale ”Biontech/Pfizer”. Japonia gjithashtu ka arritur një marrëveshje me dy kompanitë për të siguruar 120 milionë doza.

Më 9 shtator, Komisioni Europian njoftoi se kishte arritur një marrëveshje paraprake për marrjen e 200 milionë dozave të një vaksine potenciale kundër koronavirusit, të zhvilluar nga aleatët gjermano-amerikan ”Biontech/Pfizer”, me mundësinë për të blerë edhe 100 milionë doza shtesë, marrëveshja e gjashtë e këtij lloji e arritur nga BE. 

Diskutimet e fundit me ”Biontech-Pfizer” shënojnë një progres të mëtejshëm për zhvillimin e ofertës tonë solide dhe për diversifikimin e vaksinës potenciale”, theksoi komisionerja për Shëndetësinë, Stella Kyriakides në një deklaratë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Organizator i trafikimit të rreth gjysmë toni drogë drejt Austrisë, SPAK çon në gjyq Emiljan Burbën! Malli i fshehur në kamionin me paleta, u kap në Hanin e Hotot

Organizator i trafikimit të rreth gjysmë toni drogë drejt Austrisë, SPAK çon në gjyq Emiljan Burbën! Malli i fshehur në kamionin me paleta, u kap në Hanin e Hotot

30 Janar, 11:10