POP 5

Lajmet më të lexuara të 5 minutave të fundit

Sociale

Piku i infektimeve, gripi mbush urgjencat në Vlorë e Krujë! Mjekët: Më të prekur janë fëmijët e të moshuarit

Virozat dhe infeksionet respiratore janë në kulmin e tyre, e kjo vihet re në të gjitha urgjencat e qendrat shëndetësore të Vlorës e Krujës. Më të prekur janë fëmijët e të moshuarit. Epidemiologët thonë se është grip jo ‘Covid’!

Dhjetëditëshi i parë i janarit ka regjistruar shifra te larta të pacientëve që drejtohen për ndihmë mjekësore në qendrat shëndetësore të Vlorës, të prekur nga gripi dhe sëmundjet respiratore.

Shefi i Epidemiologjise në Vlorë Agron Bashllari thotë se: "Në javën e parë të muajit janar janë rregjistruar rreth 640 vizita, shifër kjo e konsiderueshme referuar muajit dhjetor kur shifrat ishin në rreth 400-450 vizita në javë. Më të prekur mbeten moshat pediatrike por edhe moshat e treta”.

Shefi i Epidemiologjisë në Vlorë thekson se aktualisht po qarkullon gripi stinor dhe jo virusi “Covid-19”.

“Janë bërë 115 testime dhe 10 raste kanë dalë pozitiv me covid-19 vetem ne keto 9 dite te janarit”.

Po kështu në Krujë, gripi ka prekur kryesisht fëmijët që frekuentojnë shkollat dhe kopshtet thotë mjeku i urgjencës Durim Herri.

"Më tepër raste tek fëmijët e vegjël në kopshte. Janë me bark e të vjella me terapi ditore, por ka edhe raste që janë shtruar."

Pjesa më e madhe e pacientëve e kalojnë gripin pa komplikacione, ndërsa më të rrezikuar mbeten mosha e tretë, gratë shtatzëna dhe personat me sëmundje kardiovaskulare dhe ata me sëmundje pulmonare.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Meta ironizon Bashën: Nuk fitohet duke fjetur gjumë, as duke shumëzuar 7x7=42

Meta ironizon Bashën: Nuk fitohet duke fjetur gjumë, as duke shumëzuar 7x7=42

27 Prill, 10:53