Pink në biçikletë me vajzën 7-muajshe

Këngëtarja Pink u fotografua këtë javë me vajzën e saj të mitur, duke shëtitur me biçikletë buzë një plazhi shumë popullor në Los Anxhelos. Ndryshe nga disa prindër të tjerë, që i vendosin fëmijët e tyre pas shpine, Pink kishte montuar një ulëse përpara saj për vajzën 7-muajshe.
Nga ana e saj, Willow dukej shumë e kënaqur me shëtitjen e rezervuar nga nëna, ndërsa fiksonte gjatë të gjithë kohës oqeanin.
Për 32-vjeçaren Pink, emri i vërtetë i të cilës është Alecia Moore, Willow është fëmija i saj i parë. Ajo është e martuar me 36-vjeçarin Carey Hart, profesionist i motokrosit.